Popular Bible Verses from Yuhana 3

Share

Kərga taŋa ya, Mbulum aka waya gà mburma ana ika gər ahəɗ a hinne. A slərra Kəla ŋgar ana mifèndèz ŋa ilik a, dite ka, ku weke na aka gəs ŋgat nda gəzləŋ ilik a ka, a dzeye a tsa, ama a ŋget a mesife ana à ndìv a tsa aà biybiy a.

A slərra ŋgat aka gər ahəɗ a ka, aà mege seriye a mburma tsa. Ama a slərra ŋgat aka gər ahəɗ a ka, dite ta mbala nda ahər ŋgar ivaɗ.

Yesuw a gwaɗar aaka: «Iye ihər i gweɗek a nda ndzer, pàrsa iɗəm tsa: Wura a sle aà mada a təv mekwere Əbay Mbulum tsa, na aka waba masula ŋa tsiye.»

Wele ana aka gəs ŋgat nda gəzləŋ a ka, seriye à gis a ŋgat tsa. Ama wele ana aka gəs ŋgat tsiye ka, seriye aka mbər megìse ŋgat daga kinehe, aɗaba ana aka gəs Kəla Mbulum ata mifèndèz ŋa ilik a tsiye.

Ama seriye Mbulum à gis a tar ka, aɗaba ana Mbulum a slərra təv dzaydzay ŋa aka gər ahəɗ a ka, ama gà mburma ta waya ka, luvuŋ ivaɗ, tsəka, a sàs a tar təv dzaydzay ŋa ata tsa, aɗaba mege dukw tar ana ta gewa ŋgwal ŋa tsiye.

Ŋgat ka, say à sìkèh a à batsah ŋa aka miɗ aka miɗ, ama biy gà ka, à nìkìɗiŋa.»

Ku weke na a riŋ a ge a dukw ana ŋgwal ŋa tsiye ka, a sasar təv dzaydzay ŋa ata tsidze, dite a ndze a ka, i luvuŋ. Aɗaba a ge a magəɗa a megemir ŋgar ana a ge a ŋgwal ŋa tsa, a pèt aba a ya.

Wele ana aka gəs Kəla Mbulum a ka, aka ŋgat mesife ana à ndìv a tsa aà biybiy a. Wele ana aka dzar zləm tsiye ka, a ŋget a mesife ata tsa, ama matsəɓatsəɓ Mbulum a riŋ a ndze a ika gər ŋgar.»

Kamala ana akahər ata Musa a zla ndzemde duwa ta və̀ɗ kamala mesiwiɗ a, a gə̀law a aram, a hitse dər a magər gà Isərayel ana i kusak i fataya,*fa* iye, wur ana i dara i təv Mbulum a tekeɗe, ta hitse a aà iye aà dizl kamala taŋa ya mbaŋa.

Ŋgat ka, Tsir Kəla, a waya Kəla ŋgar, a dzar gà dukw a ahər tserdze, dite ma kwara.