Popular Bible Verses from Ja̰ 6

Share

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Njil ɓa to nje kar dəw aw kəm baa. Darɔ asə ɗa ne kara ang. Tarje gə ꞌma, m-pa m-ar-si le to Njil gə təbə.

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jeju ila-je kəne na: Kula lə Luba le, to mba kar-sisəy ꞌtaje kagə ye gə ꞌne ja n-ula-a.

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

To gə ɓo Bɔ dəwje gə ula-m ndɔr dəw ɗe sə-a rɔ-m gə ang nama, dəw kara kara asə ɗe rɔ-m gə ang; ɗaa ꞌma, m-a ndol-e dɔ ɗudu ndɔ gə.

mba mbə lə Luba le, to ye gə ḭ dara mba kar dəwje gə dɔ nangə gə nee təbə.

ꞌMa le ɓa m-to gə mbə gə kar kisi gə təbə.

Jeju odo mbə ɗaa ɗa Luba oyo ngaɓa kay dəwje nee le kənji le kara n-ɗa to gə bənəng nəm tɔ; dəwje d-inga to gə mə-je njigi. Lo gə mə-je ci gə maj-ɛ ɗaa, Jeju pa ar ngan njenendoje lə-a na: ꞌMbo̰je dɔ dum-eje gə nay dɔ naa gə mba kar ne kara igi ang.

ꞌLəl to d-aw əw asə ne gə kula mɛdərɛ mi ose misa̰ be ɗaa, d-o Jeju gə nja dɔ man gə unda ta to dəb; ɗaa ɓəəl unda-je badə gangə-je, Ngaa n-pa n-ar-je na: To ꞌma ja, ꞌɓəəl-je ang.