Popular Bible Verses from Lugu 17

Share

Cibi Jeju təl pa ar-ɛ na: Ḭ taar aw, takagə lə-i aji.

Ngaa to gə ɓo, n-ɗa neɗa gə kṵra̰y gɔl siri mə ndɔ gə kara, ɓa n-təl gɔl siri, n-ɗe n-pa na: M-turu kəji lə-m, ꞌi a kɔr tar dɔ-ɛ gə.

Dəw kara horo-je gə o to gə to rɔ-ɛ arə ngadə ɗaa, təl ɗe ila ndu-e nangə ɔsə ne gaji Luba. Cibi n-təl n-oso nangə no gɔl Jeju gə, n-dəbə kəm-e nangə no-ɛ gə, ngaɓa n-ɗ-ɛ oyo. Dəw nee le to gə dɔ nangə gə Samari.

Undaje mə-si dɔ rɔ-si gə. To gə ɓo ngon ko̰-i ɗa neɗa gə kṵra̰y nama, ꞌndang-ɛ; a to gə ɓo n-turu kəji lə-a ɗaa, ɔr tar dɔ-ɛ gə.

Be ɓa, Jeju un tar pa na: ꞌJeje gə dɔg le rɔ-je arə ngadə gə kəm-je tɔ̰y ja ang wa? Ngaa, nje gə ji nay kara le d-aw ɗa wa?

Mbayɓe ila kəne na: To gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je kagə sikomɔr gə nee na: Ɔr gə ngira-i ɓo aw maa rɔ-i dan babo gə kən nama n-a kila kuji dɔ si gə.

Dəw gə a sangə mba ka dɔ təbə lə-a kər-kər nama, a kila-a kɔrɔ, a ɓo dəw gə ila təbə lə-a kɔrɔ nama a təl kinga-a.

Jeju pa ar ngan njenendoje lə-a na: Ɗəw gə dəw a koso ne dan neɗa gə kṵra̰y ang le godo. Ngaa tuji uba dəw gə ye ɓa to ɗəw koso dan neɗa gə kṵra̰y gə. To gə ɓo n-to jigi tuga koso lə ngon gə njɛ̰ kara horo nganje gə njɛ̰-njɛ̰ gə nee nama, to nokarə lə-a kar ꞌtɔ ər kusu ne gɔb-ɛ gə, d-ila mə babo gə.

Ne gə ce dɔ ndɔ gə lə Nowe le, a ɗe ɗəw kara baa to gə dɔ ndɔ gə lə ꞌma gə Ngon lə dəw tɔ. Dəwje d-usa gə d-ay, ngaɓa ꞌta naa saar ce nee ndɔ gə Nowe andə ne mə to gə, ngaɓa man bələm ɗe busu-je rag-rag.