Popular Bible Verses from Marəke 9

Share

Jeju ila-a kəne na: To gə ɓo m-asə a ꞌpa wa? Ne tɔ̰y dum dɔ dəw gə njetakagə ang.

Be ɓa gə tɔg-ɛ baa ja bɔ ngon je le uru ꞌkuwi na: M-ta kag-i! Ɗe ta-m ta məkədərə gə lə-m!

Logə Jeju təl aw ɓe ɗaa, ngan njenendoje lə-a ꞌdəji-e tar gə kar-ɛ baa na: Mba ɗi ɓa sijee j-asə tɔbə ne njil gə nee ang wa? Jeju pa ar-je na: Gar njil gə to gə be le ꞌdəjije Luba ɓa a kasə mba tɔb-ɛje ɓi.

Kadə to ne gə may ja; ngaa to gə kadə ləl ang le se d-a ɗa ban ɓa kar a təl ləl wa? Ar-je ta-si ləl to gə kadə be, ngaɓa ar-je ɗɛgɛgɛ to horo-si gə gə yo gə nee.

Dəw gə uwa ngon gə be kara horo nganje gə njɛ̰-njɛ̰ gə rɔ-ɛ gə gə ri-m nama, ꞌma ja nj-ɛ uwa-m gə rɔ-ɛ gə əng, ngaɓa dəw gə uwa-m gə rɔ-ɛ gə nama, ꞌma ɓa uwa-m gə rɔ-ɛ gə ang, ngaa dəw gə njekula-m ɓa nj-ɛ uwa-a gə rɔ-ɛ gə.

Ngaɓa dəw gə ɗa-ɗa gə ɔr man gə ngon ngo ar-si ay-je gə ri-m mba to gə ꞌtoje nje kar Kirisi nama, tar gə tɔgərɔ ja m-pa m-ar-si, ne dɔ ji lə-a a koso nangə ɓɛdə ang.

Ngaa to gə ɓo dəw gə to jigi tuga koso lə ngon gə njɛ̰ kara horo nganje gə njɛ̰-njɛ̰ gə ꞌta kagə ꞌne nama, kar ꞌtɔ ər kusu ne gɔb-e gə, d-ila mə babo gə le to nokarə lə-a ja cibi.

To gə ɓo kəm-i to ɗəw koso dan neɗa gə kṵra̰y gə nama, ɔr-ɛ ila-a kɔrɔ. May ya̰ mba kandə ɓeko̰ gə lə Luba gə kəm-i kara unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.