Popular Bible Verses from ཡོ་ཧ་ནཱན་ལེའུ་ 15

Share

རྒུན་འབྲུམ་ཤིང་འདི་ ང་རང་ཨིན་ ཁྱེད་ཆ་ཁྱབ་རྒུན་འབྲུམ་ཤིང་གི་ཞལ་ལག་ཨིན་ ག་ར་འབད་རུང་ ངེའི་ནང་སྡོད་པ་ཅིན་ ང་ཡང་འདི་ནང་སྡོད་ནི་ཨིན་ དེ་ལས་ངེའི་ནང་སྡོད་མི་འདི་གིས་ འབྲས་བུ་ལེ་ཤ་བཏག་འོང་ ག་ཅི་སྨོ་ཟེར་བ་ཅིན་ ང་དང་གཅིག་ཁར་མཐུད་དེ་མ་སྡོད་པ་ཅིན་ ཁྱེད་ཀྱིས་ག་ནི་ཡང་འབད་མི་ཚུགས།

ངེའི་ནང་གནས་ཏེ་སྡོད་ དེ་ལས་ང་ཡང་ཁྱེད་ཀྱི་ནང་རང་སྡོད་ནི་ཨིན་ རྒུན་འབྲུམ་ཤིང་གི་ཞལ་ལག་འདི་ཤིང་དང་མཐུད་དེ་མེད་པ་ཅིན་ ཞལ་ལག་རྐྱངམ་གཅིག་གིས་དོག་མ་བཏག་མི་ཚུགས་ འདི་བཟུམ་སྦེ་ ཁྱེད་ཡང་ངེ་གི་ནང་མེད་པ་ཅིན་ དོག་མ་བཏག་མི་ཚུགས།

དེ་འབདཝ་ད་ ཁྱེད་ངེ་གི་ནང་རང་སྡོད་དེ་ ང་གིས་སྟོན་མི་ཚུ་ཁྱེད་ཀྱི་སེམས་ཁར་བཞག་སྟེ་ ཁྱེད་ལུ་ག་དགོ་མནོ་མི་དེ་ཞུ་བ་ཅིན་ ཁྱེད་ཀྱི་དོན་ལུ་མཛད་གནང་འོང་།

ཁྱེད་ཀྱིས་ང་ལུ་བཙག་འཐུ་མ་འབད་ དེ་འབདཝ་ད་ ཁྱེད་ཆ་ཁྱབ་འགྱོ་སྟེ་ དུས་རྟག་བུ་འབྲས་བུ་བཏག་བཅུག་ནིའི་དོན་ལུ་ ང་གིས་ཁྱེད་ལུ་བཙག་འཐུ་འབད་དེ་ འགན་ཁུར་སྐྱེལ་ཡི་ དེ་འབདཝ་ལས་ ཁྱེད་ཀྱིས་ངེ་གི་མིང་ནང་ཡབ་ལས་ག་ཅི་རང་ཞུ་རུང་ འདི་ཁྱེད་ལུ་གནང་འོང་།

རང་གི་ལྟོ་ཚང་གི་དོན་ལུ་ རང་གི་སྲོག་བློས་བཏང་ནི་ལས་ བྱམས་པ་སྦོམ་གཞན་ཡོད་རང་མེད།

ཁོ་གིས་ ང་དང་མཐུད་དེ་ཡོད་མི་ཞལ་ལག་ འབྲས་བུ་མ་བཏག་པར་སྡོད་མི་ག་ར་ ཁོ་གིས་བཏོག་བཀོཝ་ཨིན་ དེ་ལས་ངེའི་ནང་འབྲས་བུ་བཏག་མི་ཞལ་ལག་དེ་ཚུ་ ཧེ་མ་ལས་ཡང་དྲགཔ་སྦེ་ དོག་མ་བཏག་བཅུག་ནིའི་དོན་ལུ་ སྤྱི་ཏོག་གཡམ་སྟེ་བཞགཔ་ཨིན།

ངེ་གི་བཀའ་འདི་ ཨ་ནི་ཨིན་ ང་གིས་ཁྱེད་ལུ་བྱམས་པ་འབད་དོཝ་བཟུམ་སྦེ་ ཁྱེད་ཡང་གཅིག་གིས་གཅིག་ལུ་བྱམས་པ་འབད།

ཁྱེད་ཀྱིས་དོག་མ་ལེ་ཤ་བཏགས་ཏེ་ ངེ་གི་སློབ་མ་ཨིན་པའི་བདེན་ཁུངས་བཀལ་བ་ཅིན་ ངེ་གི་ཡབ་གཟི་བརྗིད་མངོན་པར་འགྱུར་ནི་ཨིན།

དེ་ལས་ད་རུང་ཡེ་ཤུ་གིས་ ད་རྒུན་འབྲུམ་ཤིང་ངོ་མ་དེ་ང་ཨིན་ རྒུན་འབྲུམ་ལྡུམ་ར་གི་ཞིང་པ་འདི་ ངེ་གི་ཡབ་ཨིན།

མི་ག་ར་འབད་རུང་ ངེའི་ནང་མ་སྡོད་པ་ཅིན་ ཤིང་གི་ཞལ་ལག་བཏོགས་བཀོག་ཞིནམ་ད་ སྐམ་འགྱོ་མི་བཟུམ་གཅིག་ཨིན་ ཤིང་གི་ཞལ་ལག་སྐམ་སོང་མི་འདི་ལུ་འཐུ་སྟེ་ མེ་ནང་བཙུགས་ཏེ་མེ་བཏང་བཀོཝ་ཨིན།

ངེའི་ནང་ཡོད་མི་དགའ་སྤྲོ་ ཁྱེད་ཀྱིས་ཡང་ཐོབ་སྟེ་ ཁྱེད་ཀྱི་སེམས་ནང་དགའ་སྤྲོ་གིས་གང་བཅུག་ནིའི་དོན་ལུ་ ང་གིས་ཨ་ནི་ལོ་རྒྱུས་ཚུ་ཁྱེད་ལུ་སླབ་ཨིན།

ང་གིས་ངེ་གི་ཡབ་ཀྱི་བཀའ་ལུ་ཉན་ཏེ་ ཁོ་གི་ཐུགས་བརྩེ་བ་ནང་སྡོད་དོཝ་བཟུམ་སྦེ་ ཁྱེད་ཡང་ངེ་གི་བཀའ་ལུ་ཉན་ཏེ་འབད་བ་ཅིན་ ངེ་གི་བརྩེ་བ་ནང་སྡོད་ནི་ཨིན།

དེ་ལས་ གཅིག་གིས་གཅིག་ལུ་བྱམས་པ་འབད་ཟེར་ ང་གིས་ཁྱེད་ལུ་བཀའ་བྱིན་དོ་ཟེར་གསུངས་ནུག།

ཁྱེད་འཛམ་བུ་གླིང་གི་ཨིན་པ་ཅིན་ ཁོང་རའི་མི་བཟུམ་སྦེ་ཁྱེད་ཆ་ཁྱབ་ལུ་ཡང་དགའ་འོང་ དེ་འབདཝ་ད་ ང་གིས་ཁྱེད་ལུ་འཛམ་གླིང་ནང་ལས་བཙག་འཐུ་འབད་དེ་ ཁྱེད་འཛམ་བུ་གླིང་གི་མེན་ནི་འདི་གིས་ ཁོང་གིས་ཁྱེད་ལུ་ཡང་མི་དགའ།