Popular Bible Verses from ལུ་ཀ་ལེའུ་ 14

Share

ག་ར་འབད་རུང་ ངེ་གི་ཤུལ་ལས་སློབ་མ་སྦེ་འོང་མི་ཚུ་ རང་གི་ཨའི་དང་ཨ་པ་ རང་གི་ཨམ་སྲུ་དང་ཨ་ལོ་ རང་གི་སྤུན་ཆ་ཚུ་གི་ཆགས་ཞེན་འདི་སྤངས་ཏེ་ ཨིན་ཅི་མིན་ཅི་ང་ལུ་དགའ་དགོ་ དེ་ལས་རང་གི་མི་ཚེ་བློས་གཏང་ཚུགས་མི་འདི་གིས་ ངེ་གི་སློབ་མ་འབད་ཚུགས།

ག་ར་འབད་རུང་ རང་གི་ཁྲམ་ཤིང་འབག་སྟེ་ ངེ་གི་ཤུལ་ལས་མ་འོང་པ་ཅིན་ འདི་གིས་ངེ་གི་སློབ་མ་འབད་མི་ཚུགས།

ག་ཅི་སྨོ་ཟེར་བ་ཅིན་ ག་ར་འབད་རུང་ རང་བསྟོད་རྐྱབ་པ་ཅིན་ དམའ་སར་འགྱོ་འོང་ ག་ར་འབད་རུང་ ཉམ་ཆུང་སྦེ་སྡོད་པ་ཅིན་ ཡར་མཐོ་སར་འགྱོ་འོང་ཟེར་གསུངས་ནུག

འདི་བཟུམ་སྦེ་རང་ ཁྱེད་ ངེ་གི་སློབ་མ་མ་འབད་བའི་ཧེ་མ་ལས་ མནོ་བསམ་ལེགས་ཤོམ་སྦེ་བཏང་སྟེ་བལྟ་དགོ་ ག་དེམ་ཅིག་སྦེ་ཁྱེད་ནང་ཡོད་མི་ག་ར་སྤང་མ་ཚུགས་པ་ཅིན་ འདི་གིས་ངེ་གི་སློབ་མ་འབད་མི་ཚུགས་ཟེར་གསུངས་ནུག།

དཔེ་གཅིག་འབད་བ་ཅིན་ ཁྱེད་ཀྱི་གྲལ་ཁར་ལས་མི་གཅིག་གིས་ ཁྱིམ་སྦོམ་བརྐྱབ་ནི་གི་མནོ་བསམ་ཡོད་པ་ཅིན་ ཁྱིམ་མ་རྐྱབ་པའི་ཧེ་མ་ལས་ ཏི་རུ་དང་གཉེར་ཚང་ག་དེམ་ཅིག་འགྱོ་འོང་ག་ རྩིས་བཏོན་ཏེ་མ་བལྟ་བར་སྡོད་འོང་ག། ཧེ་མ་རྩིས་མ་བཏོན་པར་ཁྱིམ་རྐྱབ་པ་ཅིན་ ཁྱིམ་ག་ར་གྲུབ་མ་ཚུགསཔ་ཕར་བཞག་ ལཱ་འགོ་བཙུགས་ཏེ་ཁྱིམ་གྱི་རྩིགཔ་འགྱམ་བཙུགས་པའི་བསྒང་ལས་ ཏི་རུ་དང་གཉེར་ཚང་ཚུ་ག་ར་རྫོགས་ཏེ་ ཁྱིམ་རྐྱབ་མ་ཚུགས་པར་ལུས་དགོཔ་འབྱུང་འོང་ དེ་ལས་མི་གཞན་ཚུ་གིས་ ཨ་ནི་མི་འདི་གིས་ཁྱིམ་བཟོ་ནི་འགོ་བཙུགས་ཏེ་འབད་རུང་ ཁྱིམ་མ་གྲུབ་པའི་ཧེ་མ་ལས་ཏི་རུ་དང་གཉེར་ཚང་ག་ར་རྫོགས་ཏེ་ ཁྱིམ་རྐྱབ་མ་ཚུགས་པས་ཟེར་དགོད་བྲ་སྟེ་ཁ་གཏང་འོང་།

དེ་འབདཝ་ད་ ཚོགས་སྟོན་གྱི་མགྱོནམ་འབོ་པའི་སྐབས་ལུ་ མི་སྤྱང་ཀ་ རྐངམ་ཞབོ་ ལགཔ་ཞབོ་ མིག་ཏོ་ཞརཝ་དེ་ཚུ་ལུ་འབོ་པ་ཅིན། འདི་ཚུ་གིས་ ཁྱོད་ལུ་དྲིན་ལན་འཇལ་མ་ཚུགསཔ་ལས་བརྟེན་ཏེ་ ཁྱོད་ཀྱིས་བྱིན་རླབས་ཐོབ་འོང་ མི་ཆོས་སེམས་ཆེ་ཏོག་ཏོ་དེ་ཚུ་ ཤི་ས་ལས་གསོན་པོ་སྦེ་ལོང་པའི་དུས་ནང་ ཁྱོད་ལུ་གསོལ་རས་གནང་འོང་ཟེར་གསུངས་ནུག།

ཚྭ་འདི་བྲོཝ་བཏོན་ནི་ལུ་ལེགས་ཤོམ་ཨིན་ དེ་འབདཝ་ད་ ཚྭ་གི་བྲོཝ་ཡལ་སོང་པ་ཅིན་ ཚྭ་གི་བྲོཝ་ལོག་ག་དེ་སྦེ་བཏོན་ཚུགས་ནི། བྲོཝ་མེད་པའི་ཚྭ་འདི་ ས་དང་ལུད་ཀྱི་དོན་ལུ་ཕན་པ་ག་ནི་ཡང་མེད་ འདི་འབདཝ་ལས་ བྲོཝ་མེད་པའི་ཚྭ་འདི་བཀོ་བཞག་འོང་ ད་ག་ལུ་ཉན་ནི་གི་རྣམ་ཅོག་ཡོད་མི་དེ་གིས་ཉན་ཞིག་ཟེར་ཡེ་ཤུ་གིས་གསུངས་ནུག།