Popular Bible Verses from མཱར་ཀུ་ལེའུ་ 16

Share

དེ་ལས་ཁོ་གིས་སློབ་མ་ཚུ་ལུ་ འཛམ་བུ་གླིང་གི་ས་ཆ་ག་ར་ནང་སོང་སྟེ་ མི་རིགས་ག་ར་ལུ་གཏམ་བཟང་བཤད་དེ་སླབ་བྱིན།

དད་པ་བསྐྱེད་མི་ཚུ་ལུ་རྟགས་མཚན་མ་འདྲཝ་སྟོན་ཚུགསཔ་སྦེ་མཛད་གནང་འོང་ འདི་ཚུ་གིས་ངེ་གི་མིང་ནང་ལུ་ འདྲེ་གདོན་བཏོན་བདའ་ཚུགསཔ་ ཁ་གསརཔ་མ་འདྲཝ་ཚུ་སླབ་ཚུགསཔ། སྦུལ་ལག་པར་ལེན་ཚུགསཔ་ དུག་གདུག་དྲགས་འཐུང་རུང་ མི་འདི་ལུ་གནོད་མི་ཚུགས་ དེ་ལས་ནདཔ་གུ་ལགཔ་བཀལཝ་ད་ ནདཔ་དྲགཔ་བཟོ་ཚུགསཔ་ཟེར་གསུངས་ནུག།

དད་པ་བསྐྱེད་དེ་ཁྲུས་གསོལ་ཞུ་མི་འདི་ཚུ་གིས་ཐར་པ་ཐོབ་འོང་ དེ་འབདཝ་ད་ དདཔ་མ་བསྐྱེད་མི་འདི་ལུ་ཆདཔ་བཀལ་འོང་།

སློབ་མ་ཆ་ཁྱབ་འདི་ཁ་ལས་ལོངས་སོང་སྟེ་ ལུང་ཕྱོགས་ག་ར་ནང་གཏམ་བཟང་འདི་བཤདཔ་ད་ གཙོ་བོ་ཁོང་དང་མཉམ་ཕྱག་ལཱ་མཛད་དེ་ རྟགས་མཚན་མ་གཅིགཔ་ལེ་ཤ་ བཏོན་པའི་ཐོག་ལས་ གཏམ་བཟང་འདི་བདེན་པ་སྦེ་སྟོན་ཚུགས་ནུག། །།

དེ་འབདཝ་ད་ ཁོ་གིས་ཨམ་སྲུ་ཚུ་ལུ་ ཁྱེད་མ་འདྲོག་ ན་ཟ་རཱེད་ཀྱི་ཡེ་ཤུ་ ཁྲམ་ཤིང་གུ་བཀྲོངས་མི་ལུ་ འཚོལ་བ་འོངམ་ ང་གིས་ཤེས་ཅི་ ཁོ་སྐུ་གསོན་པོ་སྦེ་བཞེངས་གནང་ཡི་ ཁོ་ནཱ་ལུ་མེད་ ཁོ་གི་སྐུ་ཕུང་བཞག་ས་ལུ་བལྟ་ཞིག་ཟེར་གསུངས་ནུག

དེ་ལས་ཡར་བལྟཝ་ད་ དུར་ཁུང་གི་རྡོ་སྦོམ་འདི་ཕར་བསྒྲིལ་གཏང་དཔ་ཁོང་གིས་མཐོང་ནུག་ རྡོ་འདི་གནམ་མེད་ས་མེད་སྦོམ་གཅིག་ཨིན་མས། ཁོང་དུར་ཁུང་ནང་ན་འཛུལ་བལྟཝ་ད་ སྐུ་ཕུང་བཞག་སའི་གཡས་ཁ་ཐུག་ལས་མི་གཞོནམ་བགོ་ལ་དཀརཔོ་གྱོན་མི་གཅིག་ སྡོད་ས་མཐོང་སྟེ་ ཁོང་རྣམ་རྟོག་ལངས་ནུག