Popular Bible Verses from Yowaho 14

Share

Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

“Dai atibodi yama‑ya dikariyahi. Deoso ati dai nofiyahi. Owati‑ya dai nofahari, dai nahi.

Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.

Owati‑ya mai mita, owati‑ya mai tokadaba, owa‑ya mai no‑nofa mai amani. Owa‑ya mai nofa Okobi mai‑ya nofane. Owa‑ya mai nofa, mai onofahari ona, owati ihi owa‑ya mai wataboneni.” Yeso ati nemarine.

Okobi haa·onaboneni. Dai‑ya ka‑kasoma‑bona‑ya Okobi daanebonane, dai‑ya dabatebonaha. Deoso‑ka Doni Deoso ati yokana‑ya ka‑kamina amane. Bofe‑ka Deoso‑ka Doni‑ya mai awarihi, Deoso‑ka Doni‑ya mai watorihi na, fara ihi mai hinofarebonane. Dai‑ta Deoso‑ka Doni dai‑ya dabe, dai‑ya foyawahebonane.

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni. Yama onofa‑nima yama na dai nofa, owa‑ya dai haaniya, dai ati‑nima onaboneni.

Owa‑ya dai nofiya, owati dai tokadababoneni.

Okobi tabaro‑ya yobe damane. Dai‑ka yobe‑ba hawa·onihebone okomaboneni. Dai‑ka yobe‑ba awire‑mana, hibati‑ya dai ohiyara neni.

Okomiya, dai‑ka yobe‑ba hawa·oniya, okomatasaboneni. Okomatasiya, dai‑ya owakamaboneni, owini‑kaya dai winawahabonehe.

“Ayo tiki‑bone‑ka tabora oda watora, hini yamata ihi hawi oda watorihi?” Tome ati nemarine.