Popular Bible Verses from Roka 11

Share

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso‑ka Doni dai‑ya sawibona dai ati na, Deoso dai haaniya, yama‑ya daanebonane, ai‑ka Abi neme‑ke toheri.” Yeso ati nematane.

“Owati dai mitamakihi. Deoso‑ya yama dai haanahi, yama‑ya daanebonane. Deoso dai sibaniya, dai wasibonane. Deoso sawi‑kaya dai ati tokiya, nokobi‑ya dai haaniya, nokobi‑ya seekanebonane.

Yama‑ya mai haana mai‑ka yama‑bone mai‑ya koboteni. Yama‑ya mai sibana, yama‑ya mai wasiteni. Nokobi‑ya mai haana, nokobi‑ya mai seekiteni.

“Deoso‑ya dai hiyarabone, eya dai atiyahi. ‘Abi, amosabote amatini. Tiwati ihi oda nafi‑ka hidi kitabote tihawahaboneni.

Oda ene towe tohamaro, oda ene manakone haatinamariyahi. Mai ihi manakone oda haanamaharirani. Tiwa ene yama amosara oda nokotoniriyahi.’ Dai atiyahi, Deoso‑ya dai hiyararo.” Yeso ati nematane.

Mahi‑nima oda tefe‑ba daatiyahi.

Ai nokobodi ene yama ai awateni. Dai nokobodi amosa, yama nafi‑ya dai awateni. Dai nokobodi towe toha, yama‑ya dai awaterani.

Nabarina ai botokana, wahi ai barikiterani. Nabarina ai kanawaarikosateni, mai kiiyomama yama‑ya mai awabonehe.