Popular Bible Verses from Mateo 26

Share

Dai noko wadahi. Deoso‑ya dai hiyarahi, Satanasi ati‑ya dai tokadabarabonehe. Dai atibodi amosa, dai abano kitarani.” Yeso ati nemarine.

Mai‑ya Yeso hiyare, “Owatibodi yawi kitini, fara yawa ihi o·abi yanatoneni. A‑ahi‑ya dai naha, dai noko wadahi.” Yeso ati nemarine.

Ahiyata‑ya Yeso toke, hini home‑ya hini tamine‑ya Deoso‑ya hiyare, “Abi, yama towe yananabone, yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nemarine.

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Mai tafa, baho‑ya Yeso damane, Deoso‑ya hiyare, baho‑ya bakanakose, Yeso‑ya oda da‑daba oda‑ya baho‑ya daane, ati yanane, “Dai kabahi, owa abano tamine‑bone amani.” Yeso ati nemarine.

Makobote keneko‑ya fino‑ya Yeso damakane, Deoso‑ya hiyare, hiyari hawa tohe, keneko‑ka fino‑ya oda‑ya daakane, “Dai nafi hifihi.

Yeso waamisame, kame, hika mai amona, Bedoro‑ya hiyare, “‘Dai noko wadahi.’ Ona, hiniya dai amoneni. Ora ohari awisareya, hiniya dai amoneni.

Yeso ati yananamatase, “Owati dai mitahi. Okobi ai nafi‑ka hidi kitabote tohawahebona, yanani awisareya, awa bono fahi ofimaterabone, yananeya, awa bono fahi wamani yati dai eyehe ofimatasaboneni.” Yeso ati nemarine.

Arakawa haani‑ya mite, Yeso ati‑ya Bedoro atibodi watinawame, “Arakawa haani awisareya, ‘Yeso owatorini.’ Tinaboneni. Tiwati yanani 3 kana boneni.” Yeso ati ne, ati‑ya Bedoro atibodi watinawame, toke, ohini kitawahematane.

Yeso kamatase, mai amonasa na, “Dai nahomisamahi. Ai tokomahi. Yama one‑ya dai amonaboneni. Hibayata Deoso ati‑ya mai tokadabara mai‑ya owa‑ya daanebona kamane, ahiyata‑ya.” Yeso ati nemarine.

“Tika yima foyamahi, hini bori‑ya. Mai one‑ya yima‑ya mai nanahabiya, yima ihi mai abahariteni.