Popular Bible Verses from Juan 10

Share

Nezrʉgamiã zebaria nezrʉgaita, zhãrã beaita, zhãrã jõbiita. Mawũãmina mʉrã zesia Daizeze ũme bꞌai jõ ẽãta adꞌuba erubꞌeamarẽã.

Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.

Mʉ ovejarãbara mʉ bedꞌeara ũrĩ bꞌea, mʉãrã ãzhira ũdukꞌawua bꞌʉa, mʉrã aramaʉ̃ne pẽwã bꞌea.

Mʉãrã dedꞌekaya Daizeze ũme bꞌai jõ ẽãta, mawũẽ aduadꞌa ẽã, miõba jãrĩkua ẽã mʉ juwuadꞌebara.

Mʉta puerta. Mʉneba edꞌa wãbʉrʉra ẽdrʉya. Aramaʉ̃ne adu-a bꞌaya mʉã bia erunʉmʉba.

Mʉrã ovejarã akʉira bigaudꞌeba ũdukꞌawua bꞌʉa mʉ ovejarã, mʉrẽta bꞌebidꞌa mʉrã ũdukꞌawua bꞌea.

Mʉ Zezera ãzhita mʉãã diadꞌara jõmaʉ̃ audre zhi zroma, mawũẽ miõba jãrĩkua ẽã mʉ Zeze juwuadꞌebara. Mʉrã mʉ Zeze ũme abꞌaʉta panʉã.

Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.

Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.

Mawũẽ Jesúsbara wakusa mawũãsia: Mʉã wãrĩnu marãã jaraya: Mʉta puerta ovejarãneã.

Mawũãmina pagꞌa bꞌʉkꞌãrĩnata ovejarã akʉbari ẽãbara ovejarã izhidꞌe ẽbaera usa pã zebʉrʉta ũdubʉrʉdꞌera ovejarã ãmaẽkua wãẽba wãbaria, mawũẽ usa pãbara ovejarã kꞌa jãrãzoabibaria.

Jesúsbara mawũãsia: Mʉã wãrĩnu marãã jaraya: Ovejarãne kꞌorrata nʉmʉ maẽ puertadꞌe edꞌa wãbʉrʉ ẽãrã, awuarabʉrʉ jãpe wãrĩze edꞌa wãbʉrʉra nezrʉgamiã.