Popular Bible Verses from Juan 13

Share

Aribꞌaeita zhiwidꞌita mʉã marãã jaraya: Zhiya kʉãgꞌaudua, mʉã marãta kʉãgꞌa bꞌʉ kĩrãkꞌa. Mawũãtrʉ jõmaʉ̃ba kꞌawuadꞌaya marã mʉ pẽwã bꞌeta, zhiya kʉãgꞌa bꞌebʉrʉ.

Mʉta Nokꞌota Miã Ũrãgꞌabarita bꞌʉba marã jẽrũta sʉgʉbʉrʉba, marãsidꞌa abꞌarika jẽrũ sʉgʉdꞌaibara zhiya. Mʉãrã marã kꞌãwũã obʉrʉa marãbidꞌa abꞌarika odꞌamarẽã.

Mawũãĩ Jesúsbara panaʉ̃ mawũãsia: Mʉã obʉrʉra kꞌãwũãwedꞌara bʉara sãwũãta kꞌawua ẽã, mawũãmina tẽãne kꞌawuaya.

Mʉã wãrĩnu marãã jaraya: Nezokꞌara audre zhi zroma ẽã izhi nokꞌo kꞌãñabara, miã zokꞌabuebʉdara audre zhi zroma ẽã izhi zokꞌabuebʉrʉ kꞌãñabara.

Maʉ̃ta sãwũãta kꞌawuadꞌara Daizezebara sobia bꞌeabiya aribꞌaedꞌara.

Maʉ̃ba nekꞌo kꞌobꞌedꞌe Jesús piradrʉpe wua ãnebꞌari bꞌʉta wẽãpe toallata jiraedape tãjʉ̃ kꞌobꞌʉsia kʉrrʉdꞌe. Mobebʉrʉ poncheradꞌe baniãta weape izha jʉrʉkuadꞌata jẽrũ sʉgʉkua põãsã jaresia toalla kʉrrʉdꞌe tãjʉ̃naba.