Popular Bible Verses from Juan 3

Share

Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Daizezebara zhi Warra naʉ̃ ẽjũãẽna zokꞌa ẽbasia aduabimarẽã ẽjũãne bꞌeta, awuarabʉrʉ zokꞌasia ẽjũãne bꞌera ẽdrʉdꞌamarẽã izhidꞌeba.

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Izhidꞌebemata ĩjãbʉrʉra adua ẽã, mawũãmina zhi ĩjã ẽãrã aduaya, ĩjã ẽãba Daizeze Warra abꞌa bꞌʉdꞌebemata.

Kꞌãrẽneba aduaita mʉã jaraya: Ʉ̃nata bꞌʉra zesia ẽjũãne bꞌema, mawũãmina zhãrãbara pãrĩguata audre kʉãgꞌasidꞌa ʉ̃na kꞌãñabara, bia ẽãta obꞌeba.

Jesúra wuaabʉrʉ zhi zromata bꞌeya, mawũãmina mʉrã zhi zroma ẽãta bꞌeya.

Bia ẽãta obꞌebara ʉ̃nata bꞌʉra krĩñana ẽã, aramaʉ̃ne ʉ̃nata bꞌʉma zedꞌa ẽã, ãzha obꞌeta kꞌawuadꞌa ẽbamarẽã.

Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.

Drua drudrua tabꞌʉ maẽ Moiséba dãma ʉ̃tʉ jirabꞌʉdꞌa kĩrãkꞌa, mʉ Beubari Bape bꞌʉra ʉ̃tʉ jirabꞌʉdꞌaya.

Zhi Zezebara zhi Warra kʉãgꞌa, mawũẽ ne jõma chãbꞌarisia izhi juwuadꞌe.