Popular Bible Verses from Lucas 11

Share

Marã bia ẽãta bꞌeba mazhi warrarãã ne biata dia kꞌawua bꞌebʉrʉ, ¿marã Zeze ʉ̃trebemabara audrebai Jawurebiata diai ẽka zhi widꞌibʉdaara?

Mawũẽ mʉã marãã jaraya: Aramaʉ̃ kĩrãkꞌa Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Daizezea ne widꞌi bꞌʉbara jidaya. Ne widꞌi bꞌʉba jʉrʉ bꞌʉbara ũduya. Ne widꞌi bꞌʉba trʉ̃ bꞌʉaara diaita puerta ewaya.

Mawũãĩ Jesúsbara mawũãsia: Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa. Dai Nokꞌota nʉmadua. Bʉa krĩñata odꞌaidꞌe bꞌʉa ʉ̃tre obꞌe kĩrãkꞌa, mawũã odꞌaidꞌe bꞌʉa druadꞌebidꞌa.

Daiba kꞌazhiruata odꞌadꞌebara daira bedꞌea ne ẽã duanebirua, daibidꞌa bedꞌea ne ẽãne edabada dai bĩ ẽã obʉdata jõma. Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara.

Zhiko ewarizabema daia diadua idꞌira.

Ĩbĩrã kꞌakuadꞌebema dabʉa. Bʉ dabʉta bigabʉrʉ bʉ kꞌakuara jõma ʉ̃na bꞌʉa. Mawũãmina bʉ dabʉta biga ẽbʉrʉ bʉ kꞌakuara pãrĩguadꞌe bꞌʉa.

Miõba ĩbĩrã kꞌoape merãkꞌa, miã ãna nʉmʉka. Awuarabʉrʉ ʉ̃tʉ bꞌʉbaria deidꞌu zebʉdaba ʉ̃na ũdudꞌamarẽã.