Popular Bible Verses from Lucas 13

Share

Pẽwãsu edꞌa wãũdua puerta pẽũsuadꞌe, mʉã marãã jaraya, bio maʉ̃ne edꞌa wã krĩñanaĩmina bꞌedꞌa ẽbaya.

Maʉ̃ne wũẽrãta mama bꞌasia dieciocho año bata jaiba kꞌaya bꞌʉta, mawũẽ ejũrẽã nimita jipa jĩrũ bꞌe ẽbasia. Jesúsba ũdui trʉ̃pe mawũãsia: Wũẽrã, bʉ kꞌaya bꞌʉra ẽdrʉpe bꞌidꞌa.

Mawũãpe juwua izhi ʉ̃rʉ̃ bꞌʉbʉrʉba jipa jĩrũsia. Mawũẽ ibia jarasia Daizezera.

Maʉ̃nerã zhi zroma ẽãta bꞌera zhi zromata duaneña, waya zhi zromata bꞌera zhi zroma ẽãta duaneña.

De zhibarita piradrʉpe puerta serrabʉrʉdꞌe marãta ewaradꞌe duanerã marãbara puerta kꞌaita trʉ̃ mawũãnaña: Nokꞌó, daira ewadua. Mawũãnaĩ izhara panaʉ̃ mawũãña: Mʉãrã kꞌawua ẽã marã sãmabemata.

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Maʉ̃ne izhara mawũãña: Mʉã marãã jaraya, mʉãrã kꞌawua ẽã marã sãmabemata, mʉ maẽbara marã jõma ãĩ wãũdua, marã bia ẽã omiãta bꞌea.

Jesúsbara mawũãsia: ¿Kꞌãrẽ kĩrãkꞌa bꞌʉ Daizezeta Nokꞌodꞌebemata wari bꞌʉra, mʉã kꞌãrẽ ũme abꞌarika jaraipe? Mostaza tadꞌebema kĩrãkꞌa bꞌʉa, ũmakĩrãba jiraedape usia izhi ne u maẽ, waripe bakuru zromata nʉmesia, mawũẽ ibanata de okuasidꞌa zhi taeza.