Popular Bible Verses from Lucas 8

Share

Mawũãmina ne ta pobʉrʉdꞌe egoro biadꞌe bꞌaedꞌara sobiadꞌe kĩrãẽpa Daizeze bedꞌeata ãzha ũrĩnane bꞌeta maʉ̃ã, aramaʉ̃ne eaba duane bꞌʉa baridua.

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbadata maʉ̃ã. Mawũãmina sãwũã ne bio erubꞌeaita sãwũã bꞌʉsridꞌa bꞌeaita krĩcha nʉmeba kenabꞌari panʉã, mawũẽ zau eabadꞌa ẽã.

Ne ta pobʉrʉdꞌe mongꞌaradꞌe bꞌaedꞌara Daizeze bedꞌeata ũrĩbʉdadꞌera sobia ũrĩbadata maʉ̃ã. Mawũãmina bia kꞌarra jidadꞌa ẽã, mawũẽ ĩjã bꞌeta dããrã ẽãne zuburiabʉdadꞌera ĩjã ẽã kenabꞌaribada.

Mobebʉrʉ ãzhaa mawũãsia: ¿Marã sãwũãbʉda soidꞌu kꞌopanaĩ kꞌaudꞌe? Ãzhara pera bia akʉdrua ãzhirãĩnu mawũãsidꞌa: ¿Naʉ̃ kꞌaipe kꞌãwũã nanguta dota kẽãbʉrʉdꞌe izhi bedꞌeata aribꞌaebʉdara?

Ne ta pobʉrʉdꞌe odꞌe bꞌaedꞌara zhi ũrĩbadata maʉ̃ã. Mawũãmina ãtõmiãta zepe bedꞌeata ãzha ũrĩnata ãĩ eda bꞌʉa ãzhi sodꞌeba, ĩjãbʉdaba ẽdrʉdꞌa ẽbamarẽã.

Aramaʉ̃ kĩrãkꞌa Daizezedꞌebema kꞌawuadꞌa ẽã nʉmʉrã kꞌawuadꞌa ẽã nʉma ẽã, miã chupea nʉmʉrã kꞌawuadꞌa ẽã nʉma ẽã.

Aramaʉ̃ne wũẽrãbara kꞌawuasia kꞌawuabʉrʉta, mawũẽ pidꞌidꞌia zepe Jesús jẽrũ kꞌaita ju kꞌobꞌepe jõmaʉ̃ kĩrãbita jarasia kꞌãrẽã tõbꞌaridꞌata, sãwũã audre ẽãne bꞌedꞌata. Mawũẽ Jesúsbara mawũãsia: Wũẽrã, bʉra soidꞌu kꞌobꞌʉdꞌeba ẽdrʉbʉrʉa, wãrũã adu-a.

Mawũẽ Jesúsma zedꞌape ʉ̃rʉ̃ma mawũãsidꞌa: ¡Miã Ũrãgꞌabari, dazhirã tabodꞌoa! Mawũãnaĩ Jesús ʉ̃rʉ̃mape kẽãsia nanguta do bomatʉta, mawũẽ taukua nʉmaẽdasia.