Popular Bible Verses from isizwur 50

Share

kunni tnuwwam gigi ma‑yʷh̬šnn, imma rbbi inuwwa srs afulki, baš a‑ijjnjm tudrt n‑mddn ggutnin ġmklli‑tn‑tẓram ddrn sul s‑ġassad.

yini‑asn yusf: «ad‑ur‑tiksaḍm. izd nkkin a‑igan rbbi?

ġilad ad‑ur‑tiksaḍm. ra‑kʷn‑asiġ kunni ula tarwa‑nun mẓẓinin.» isshnna‑tn yusf izzɛam‑tn.

‹inyat i‑yusf: ḍalbġ‑k a‑tṣamḥt i‑aytmak f‑lɛib ula lɛar ula lh̬ʷšant lli‑gik‑skrn.› ha‑yaġ ġilad nḍalb‑ak a‑tṣamḥt f‑lɛib n‑ih̬ddamn n‑rbbi n‑babak.» ar‑yalla yusf lliġ‑as‑nnan mayan.

isawl yusf ilmma s‑aytmas yini‑asn: «han ġir imikk rad‑mmtġ. walaynni rbbi ra‑d‑srun‑yakmur a‑kʷn‑iɛawn. ra‑kʷn‑issawn zġ‑tmazirt‑ad, yawi‑kʷn s‑wakal lli‑f‑iggulla i‑ibrahim d‑isḥaq d‑yaɛqub.»

issgall yusf tarwa n‑israyil yini‑asn: «s‑ṣṣaḥt ra‑d‑srun‑yakmur rbbi, tssawnm ġakudan ih̬ṣan‑inu zġ‑ġid.»

ġmkan a‑s‑immut yusf, irgl miyya d‑mraw (110) n‑usggʷas. ḥnnṭn ddat‑ns, gn‑t ġ‑yan ṣṣnduq ġ‑miṣr.