Popular Bible Verses from മര്‌ക്കോസു 16

Share

അദ്‌ക്ക് പ്‌റ അയാള് അവാര്‌ക്ക് ഇത്തെ സൊന്നാന്. <<നിമ്മ ഉലഗാക്ക് ഒട്ടുക്കു പോയി ആള്‌ഗാള്‌ക്ക് പൂര ഈ നല്ല സേദിന സൊല്ലുഡൊ.

നമ്പ്‌ന്റവാര്‌ക്ക് അദിസ്യഗാള് ഗേവാദ്‌ക്കുള്ള അദിഗര കെ്ഡേക്കുവു. അവാര് എന്ന് പേര്‌ന സൊല്ലി തട്ടിരിക്കുവ കെ്ട്ടജാദിഗാള്‌ന ഇ്റാക്കി ബ്‌ഡുവാര്. ബേ്റെബേ്റെ നായഗാള് നൊഡിവാര്. അവാര് പാമ്പ്‌ഗാള്‌ന കയില് പ്‌ഡിത്ത് എ്ഡ്‌ത്താല്‌മ് മര്‌ന്ത്‌ഗാള്‌ന കുഡിത്താല്‌മ് അവാര്‌ക്ക് ഒന്റുമു തട്ടമാട്ട. അവാര് നോയിഗാറാര്‌ക്ക് കയി ബെത്തദാന നോയി തെ്ളിവാര്.>>

അയി സേദിന നമ്പി നീര്‌ക്ക് മുളിഗി ഇ്ളാഗ്‌ന്റവാര് ദെ്ണ്ടണേല് ഇന്ത് തപ്പിസി കഡാക്കുവാര്. നമ്പാത്തവാര്‌ക്ക് ദെ്ണ്ടണെ കെ്ഡേക്കുവു.

സൊല്ലുപഡി നഡാക്ക്‌ന്റവാര് എല്ലാ എ്ഡെഗാള്‌ക്ക്‌മ് പോയി നല്ല സേദിന സൊന്നാര്. ആണ്ടവാന് അവാര്‌ക്ക് തൊണെ ഇന്താന്. അദ്‌നാലെ അവാര് സൊന്ന നല്ല സേദി സത്ത്യ എന്റ് കാട്ടി കൊഡുക്ക്യ ബേ്ണ്ടി അദിസ്യഗാള് ഗേന്ത് പോന്റാര്.]

<<അഞ്ചദേന്, കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ്‌നാത്തെ നിമ്മ പരാക്ക്‌ന്റ്‌റ് എന്റ് എനാക്ക് തെരിന്റ്. അയാള് ഇദ്‌ലില്ലെ, അയാള് ഉജുര്‌ളാഗ്‌നാന്. നിമ്മ ബന്ത് അയാള്‌ന ബെത്ത എ്ഡേന നോഡുനു.

ആന അവാര് സൊക്കാന നോഡുഗാട്ടി കല്ല്‌ന ഉറുട്ടി ജറേത്തിര്‌ക്കുവാദ്‌ന കണ്ടാര്. അയി കല്ല് എത്ത്‌റാഗോ ദൊഡ്ഡ കല്ല് ആയിന്ത്‌ദ്. അവാര് കല്ലളെ കുളാക്ക് നൊഗേഗാട്ടി ബെ്ള്ളെ ഉഡുപ്പു ഇക്കിര്‌ക്കുവ ഒന്റു ബാലിവെഗാറാന് ബല സാരി ഇര്‌ക്കുവാദ്‌ന കണ്ട് അവാര് അഞ്ച്‌നാര്.