Popular Bible Verses from यूहन्ना 12

Share

अगर कोऊ हमार सेबा करय, त हमरे पीछे-पीछे चलय; अउर जहाँ हम रहब, उहँय हमार सेबा करँइ बाला घलाय रही; अगर कोऊ हमार सेबा करी, त पिता ओखर आदर करिहँय।

जे कोऊ अपने प्रान काहीं पियार जानत हय, उआ ओही गमाय देई; अउर जे कोऊ इआ संसार माहीं अपने प्रान काहीं पियार नहीं जानय; उआ अनन्त जीबन के खातिर ओखर रच्छा करत रही।

हम तोंहसे सही-सही कहित हएन, कि जब तक गोहूँ के दाना भुँइ माहीं गिरिके, मर नहीं जाय, तब तक उआ अकेले रहत हय, पय जब मर जात हय, तब अनगिनत दानन काहीं पइदा करत हय।

इआ संसार माहीं हम जोति बनिके आएन हँय, जउने जे कोऊ हमरे ऊपर बिसुआस करय, त उआ अँधिआर माहीं न रहय।

अगर कोऊ हमरे बातन काहीं सुनिके न मानी, त हम ओही दोसी नहीं ठहराई, काहेकि हम संसार के मनइन काहीं दोसी ठहरामँइ के खातिर नहीं, बलकिन संसार के मनइन काहीं मुक्ती देंइ के खातिर आएन हँय।

तब मरियम, जटामाँसी से तइआर कीन आधा लीटर के करीब खुब महग सुध्द अँतर, यीसु के गोड़ेन माहीं डारिन, अउर अपने मूँड़े के बार से उनखर गोड़ पोंछिन, अउर अँतर के महक से सगला घर महकँइ लाग।

एसे ऊँ पंचे खजूर के डेरइआ लइके यीसु से मिलँइ के खातिर चल दिहिन, अउर खुब चन्डे चिल्लाइके कहँइ लागें, “होसन्ना, धन्य हय इजराइल के राजा, जउन प्रभू के नाम से आबत हय।”

इआ सुनिके यीसु उनसे कहिन, “मनई के लड़िका के महिमा होंइ के समय आइगा हय।