Popular Bible Verses from लूका 8

Share

पय जउन निकही भुँइ म बोए बीज कि नाईं होत हें, ऊँ पंचे ईं आहीं, जऊँ परमातिमा के बचन काहीं सुनिके, पूरे बिसुआस के साथ अपनाबत हें, अउर अपने हिरदँय के भले भन्डार माहीं सम्हारे रहत हें, अउर धीरज धइके फर लइ आबत हें।”

जउन बीज जरबइला माहीं गिरें, ऊँ ईं आहीं, जउन परमातिमा के बचन काहीं सुनिन, अउर आँगे चलिके घर-परिबार के चिन्ता, अउर धन के लालच, अउर जीबन के सुख-बिलास माहीं फँसिके परमातिमा के बचन काहीं बिसराय देत हें, अउर परमातिमा के आसीस नहीं पामँय। अउर बिना फर के बिरबा कि नाईं होइ जात हें।

कुछ जने पथरही जमीन माहीं बोए बीज कि नाईं होत हें, जउन परमातिमा के बचन काहीं सुनिके, मारे उराव के अपनाय लेत हें। पय अपने जीबन माहीं परमातिमा के सँदेस काहीं गहराई से लागू नहीं करँइ, एसे कुछ दिनन तक मानत हें, पय बाद माहीं जबहिन परमातिमा के बचन के कारन दुख अउर कस्ट मिलत हें, त हरबिन परमातिमा के बचन काहीं मानब छोंड़ि देत हें।

तब यीसु चेलन से कहिन, “काहे तोंहईं अबहिनव तक हमरे ऊपर बिसुआस नहिं आय?” पय ऊँ पंचे खुब डेराइगें तय, अउर खुब अचरज मानिके आपस माहीं कहँइ लागें, “ईं को आहीं, कि आँधी, पानी तक काहीं हुकुम देत हें, अउर ऊँ घलाय उनखर कहा मानत हें?”

गइल के किनारे गिरे बीज ऊँ आहीं, जउन परमातिमा के बचन काहीं सुनिन; पय कुछ देर बाद सइतान आइके उनखर सुनी बात काहीं बिसराय देत हय, कि कहँव अइसा न होय, कि ऊँ पंचे परमातिमा के बचन के बिसुआस कइलेंय अउर पाप से छुटकारा पाय जाँय।

जउन कुछू बिचार मनइन के मन माहीं हें, परमातिमा उनहीं प्रगट करिहँय, अउर हमरे जीबन के सगली छिपी बातन काहीं परमातिमा जानत हें।

तब उआ मेहेरिआ इआ जानिके, कि हम लुक नहीं सकी, कँपतय-काँपत आई, अउर यीसु के गोड़ेन माहीं गिरिके, सगले मनइन के आँगे बताइस, कि हम कउने कारन से अपना काहीं छुएन, अउर छूतय नीक होइ गएन। यीसु उआ मेहेरिआ से कहिन, “बिटिआ, तूँ हमरे ऊपर बिसुआस किहा हय, एसे नीक होइ गया हय, नीके कुसल अपने घर चले जा।”

तब चेला लोग जाइके यीसु काहीं जगाइके उनसे कहिन, “हे स्वामी! हम पंचे बूड़े जइत हएन।” तब यीसु उठिके आँधी अउर पानी के लहरन काहीं डाँटिन, त ऊँ रुकि गईं, अउर सान्ती होइगे।