Popular Bible Verses from Luka 6

Share

Aa dɔ ólu sɔ, o ɲan o man Ala yáa álee sɔ. Í yáa mínnan mɛ́ɛbhɛɛ tá kɛ́ a tá ó swáan kɛ́ a díinndiin kɛ́ a yúuyuu kɛ́ a fá fɔ kɛ́ bwɔ́, kɛ ó yɛ́ɛman a yɛ́ fáanin ó jífa ó lɔ́. Kɛ mansɔɔ aa dɔ ólu tá ó swáan swáanninkɛfe mín nɔ́n, Ala káa a tá ó swáan o kée ŋó lé lɔ́.»

Mɔɔnbhɛɛ ó fémɛɛ ni nanfoobhɛɛ lé lábhɔla a yóso o lɔ. Tó mɔɔnyoo ŋó féɲoo ni nanfooyoo né lábhɔla a yóso lɔ. Kɛ mansɔɔ mɔɔn yóso ó fánin ɲé fé ŋó mínnan, a lá ó óle fɔ́la.»

Waa, á yúu ólu a dhyáa á yɛ́ kɛ́ kóɲwaan kɛ́ i yɛ́. Áa yúu lá mɔɔn ólu lá, kɛ́ ɲán o kwɔ́. O lɔ, a yáa tɔɔnba sɔ́ɔ. Ale yáa kɛ́ Fé mbɛ kunndii ó dhyé ŋólu lé, kɛ mansɔɔ, aa kóɲwaan kɛ́la kóɲwaanlɔmɛɛ ólu ni mɔɔnyoo ŋólu yɛ́.

Áa hínnɛn mɔɔn ólu lá óyoo a Fá é hínnɛnla ɲán mín mán.»

«A kɛ́nan kíti tɛ́ɛ lɔ ka, o ɲan o man Ala táa kíti tɛ́ɛ ale ka. A kɛ́nan dɔ ólu yaayii, o ɲan o man Ala táa ale yaayii. Áa yafa dɔ ólu mán, o ɲan o man Ala yáa yafa álee mán.

«Waa ale mín núu nɔ́myɛnnan, ní i fɔ́la a yɛ́ ngó a yúu ólu kó á dhyáa á yɛ́, kɛ́ kóɲwaan kɛ́ a tɔ́lɔbhaa ólu yɛ́. Aa lwáau kɛ́ a dáanbhaa ólu yɛ́, áa Ala dɛ́li a tɔ́lɔbhaa olu yɛ.

Álee fɛ́ ké mɔɔn tɔ ólu a kó min ngɛ́ a yɛ́, aa ó ɲɔ́ɔn ngɛ́ olu yɛ́.»

Ní mɔɔn lɔ kɛ i tóo kée ŋó cé, ii i tɔ́ kée ŋó sii a yɛ́. Ní lɔ kɛ í yɛ́ déekeba ó myaan i lá, i kɛ́nan fɔ kó a kɛ́nan í yɛ́ deeke ó tá. Ní mɔɔn ó mɔɔn kɛ́ fé nɔ́ kófɔ i yɛ́, ii a di mán. Ní mɔɔn lɔ kɛ́ í yɛ́ fé nɔ́ myaan i lá, i kɛ́nan a kó mánɲaankɛ a la.

«Yíibhɛɛ súusuu tɛ́ dhyéɲoo ngɛ́la, yíiyoo nzúusuu tɛ́ dhyémɛɛ kɛ́la.

Yíi bhɛ́ɛ ó lɔnan a dhyé ŋó le mán. Tólodhye ŋó tɛ́ bhɔ́la ŋwɛ́ɛnnzu ŋó la, lɛ́zɛn ŋó tɛ́ bhɔ́la lɛ́ɛninɲii ó la.