Popular Bible Verses from Matiyu 18

Share

Aa céne, ni mɔɔn fyáa wáman mɔɔn sawa kɛ́ ɲɔ́ɔn nadhyɛ né kósɔn ywáa óo ywáa lɔ, ní olu fɛ́ yénɔn lé wé.»

Tó ní fɔ a yɛ́ tínɲan in ne íkwɔ ngó, ni mɔɔn fyáa kɛ́ bhyɛ kée mán lúukolo míin nga kɛ kó lɔ́ ɲíin Ala fɛ́ sɛ́ɛ o lɔ, Nvá mín ŋé sá ŋó lɔ, o yáa o kó ó kɛ́ í yɛ.

Ɛnza ŋé dhyémuu lɔ́ kíi kɛ alalɔ i cɛ́man tó kɛ fɔ kó: «Tó ní fɔ a yɛ́ tínɲan in ne ngó, ni a mán yɛ́ɛman kɛ kɛ́ óyoo dhyémuu lú, a táa lo sángboo ó Mansaya ó lɔ tún.

Mɔɔn mínnu wɛ́ɛ í bhóo síi Ala yɛ́ Mansaya ó kɔɔ, mɔɔn mín ŋé fɛ́ kɛ kɛ́ o mɔɔn ó bɛ́ lɔ mɔɔnba óle, o tíi ó kákan kɛ í mányii lé kɛ kɛ́ óyoo dhyé mín ɲé nín.

O kwɔ, ni mɔɔn mín ngɛ í ɲán síi dhyémuu míin nzúu o kɔ́ɔ né tá ɲiinɲan mán, o tíi óo í ɲán síila né lé kɔ́ɔ wé.»

Tó ní fɔ a yɛ́ tínɲan in ne ngó, álee kɛ́ fé ŋóo fé nzíli lúukolo ó ka, o sílinin ɲáan kɛ́ sá ŋó lɔ, á kɛ́ fé ŋóo fé nvwée lúukolo ó ka, o yáa fwée sá ŋó lɔ.

Ɛnza ŋé wɛɛ kɛ fɔ kó: «Nvá mín ŋé sángboo ó lɔ, o káa a bɛ́ kée ngéenan myáan o ɲán kée ŋó lé mán ni a mán kɛ́ yafala a mɔɔnɲɔɔn mán i yóso ó bɛ́ lá.»

«Dhyémuu mínnu wɛ́ɛ lá né la, ní mɔɔn mín ngɛ kɛ́ sɔ́ɔbu le kɛ o kée ngúnnɔn cáan, mín ndɛ́ɛ físaa o tíi o mán o lée kɛ káwaguun mbelebeleba le gúun o tíi o kannan kɛ a tii o bé kɔɔji o cɛ́man.

A tá ɲánla ó lɔ, ni saa kɛnmɛn kɛ́ kɛ́ mɔɔn lɔ́ bhóo ké o kée ŋan túun, o tíi ó mánfaa saa bíkɔɔnndɔ ni kɔɔnndɔ ŋo tó tii o ka kɛ táa kée mín wɛɛ túun wé kɛ táa ó ɲiin ŋan?