Popular Bible Verses from Maki 2

Share

Ɛnza ŋé o dhyáa ŋó myɛ́n mínngɛ, aa fɔ i yɛ kó: «Mɔɔn mínnu kɛ́ɛnyanin ɲé, ólu manko tɛ́ lɔɔtɔlɔ lá, yangalotɔ o lé manko é a lá. Né mán nán mɔɔn téenin ŋólu kíi, ni nán yúumu tɔ ó lée lú kíi.»

Ɛnza ŋé a yé kó ó mɔɔn ólu wɛɛ lá ale la mínngɛ, aa fɔ kuugba ó yɛ kó: «Nyenjɛ, i yɛ́ yúumu ólu wɛ́ɛ yafa i man!»

Ɛnza ŋé i yawi íkwɔtun kó: «Ala mán mɔɔn ó lá lɔnwɛɛnlilo ŋo kanman, Waa lɔnwɛɛnlilo ŋóo lá mɔɔn lé yɛ.

Yaman o kósɔn lá o kɔɔ, i man sháa sɔɔ kɛ táa a yáa Ɛnza nan. Ii í yɛ́ɛ bhó ŋó kúnnɔn, kɛ jáan bhɔ́ sánzaa ŋo lá Ɛnza nziilaa o lɔ, tó kɛ kuugba óni a yɛ láfe ŋo láyii bhó ŋó kɔ́ɔnnɔn Ɛnza ngɛ́ɛnnan.

Waa ní í fɛ́ ké aa lɔ kó sé é mɔɔn Dhyénjɛ ó yɛ́ kɛ́ mɔɔn o yɛ́ yúumu ó yafa kɛ́ tó dínɲan lɔ́.» O lɔ, aa fɔ kuugba ó yɛ́ kó: «Ní fɔ́la i yɛ́, í wíi kɛ́ í yɛ́ gbasa ó tá kɛ́ táa lúman: Íle, í wíi, í yɛ́ gbasa ó tá, íi táa i bhóo lúman!»

Kɛ́ a fɔ kuugba ó yɛ́ kó: ‹I yɛ́ yúumu ólu wɛ́ɛ yafa i man,› wáman kɛ́ fɔ a yɛ́ kó: ‹I wíi kɛ́ i yɛ gbasa ó ta kɛ́ táamankɛ,› o kóman fyáa ó lɔ́, a mínnɛɛn lé fɔ a dí?

Bɛ́ ɲánkɔɔ téeman, cɛ óo í wíi tó kɛ a yɛ́ gbasa ó tá kɛ bhɔ́ kɛ́ɛnman. Óo i bɛ́ kɔɔnnɔnfii, i bɛ́ bɛ́ é Ala tando: «Kɛ fɔ́ko án ndɛ́ mán míin ɲɔ́ɔnɲe bhá.»