Popular Bible Verses from Uan 21

Share

Isus ay at ngay tagadal nu nafangon wan, Isus nainto sas Simun Pedru te, “Simun, Uan at baguama, o kesug o angku gtungud yay tuy fagayu?” Ay Pedru nabalus te, “Sabv, em Fun, nasaful wo te, kesug au emu.” Ay Isus nalong anya te, “Fafangoni ku ngay tupa riangan.” Isus nadog yay fia nainto anya te, “Simun, Uan at baguama, o kesug o angku?” Ay Pedru nabalus te, “Sabv, em Fun, nasaful wo te, kesug au emu.” Ay Isus nalong anya te, “Alagai ku ngay tupa.” Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Matuyan nu glong au emu te, ebi gina o mabaguama, o mandi tagsulun am lanbung, ay madasug o nusnga nday am fakaylatun. Ay nu mafufuama wo, gfalugde o am take ay tiba wayk taw tagfasulun emu am lanbung ay gtaban ban emu nusnga nday am fagyudun kaylat.”

Ay Isus nalong te, “Fasai sad lino ay fanggamat albon sas siun baliwa fag tigyangan sakayan, ay magamat ro am.” Ay at ngay tagadal nu nafaning at longan, kanya fagayu wa mafaranggut ya at fanggamat aroro ngayu at nagamat.

Simun Pedru nalong sat ngay ibama te, “Nanfangalbon kwan.” Ay at ngay ibama nabalus anya te, “Nangalo ami emu.” Nu katanya, kanya fagayu nasakay sa sik sakayan lino ay ginanya fag yabi we nagamat albon.