Popular Bible Verses from Marqoose 13

Share

Ta gisha axi uddina hinumba iitana u inxha'e. Maaqe baa danda'ona aallicira aallo miingesa Wontoy esa maarako e maare.

Hinuni ye wontay ayde maaqesa eruwaytako, hinumba naddhi kakkuwayte. Oseywayte.

Axiti hi gara yaa'ese ayti hinumba u uqususune <Am nu zeerre?> hissine burona maddhundofita. Yenniyakani Wonto garafa hi siinenike zeeruwayte. Ye esani zeeresi hinumba e maaddhobaane Ayaana Geeshuko.

Afani sahani baattako u baane. Ta katomay miindi koolo makkinako e yese.

Ye wontaara ye saatiyara ayde e maaqenike adewo baaka ooneni eresi baasso. Wonto woosaxitani maaqqe e yeleni eruwasso.

Hi ukke tooray dendusune fakkiyani toora odo siisine jhasshi du'eydofita. Yeenxhi maaqese fettonako e worguse. Yeydi e maaddhakoni aalliciray yenniya maaquwasso.

Ha e gisha hinumba naddhi kakkuwayte. Ye zawaadey yoone wonte eruwaytako. Yoowese e danda'esi hanno qamana, ekke wodhakka, lukkali oollusune oo'oyne ketiya sho'e yoowesuko e danda'e. Hi masso baane yoodi geti hi yesune hinumba degessoffe! Hinuse ta zeerdonike fedeesituseni uddi oseydi kakkuwayte hidiko ta hine>> yeydi e hido.

Bidzi wudey fede wude gara kaatini kaati gara toora e denxe. Seya haya sahay en'e. Yeydiwo naayeni e maaqe. Haanxhi maddhay hade haga ayke zersoke yesesako.

Yeenxhi uddi maaqorosume buro modhe odoy be wude wude yese axuse uddi elleko e worguse.

<Tani Kristosako> hidi hissine lagiti ta sunxuna u yoone, lagitani u qaaruse.

Hinunini hinumba naddhi kakkuwayte. Axiti hinumba yaa'asuko garsi u inge, Ayhuda Bhikkilo Zawaakani hinumba u dure. Taanna hi yese gisha afana maagitusaara kaataxhe buruwakaara yaa'uttese hi uqe. Yenniyakani ta gisha ato maaddhi uso hi siise.

Mesihe maaquwasiti <Tani Mesiheko> kaayaxe maaquwasitini <Tani kaayaxuko> hidi hissineko zaadaxiti yoodi Wontoy xhardechoshita danda'a'ayko haluxese micushe abakowara du'use abakowara u hante.

Yenniyaka maddhay ello geede qoossi e ceenge, agunnani be fo'e beysuwasso. Xhoolintitini afaafa u gukke, afaa yese ositini iitana u en'e.