Popular Bible Verses from MAAKE 12

Share

Bea beheage e Jisu kiate ia, Koe lahi eni i he gaahi fekau kotoabe, Fanogo, e Isileli; Ko Jihova ko ho tau Otua ko Jihova oku taha be: Bea ke ofa kia Jihova ko ho Otua aki ho loto kotoa, bea mo ho laumalie kotoa, mo ho atamai kotoa, mo ho malohi kotoa. Koe lahi eni i he fekau. Bea ko hono ua oku tatau mo ia, Ke ke ofa ki ho kaugaabi o hage be ko koe. Oku ikai ha fekau e lahi hake ki he ogo fekau ni.

Bea ne ui ene kau akoga, mo ne behe kiate kinautolu, Koe mooni oku ou tala atu kiate kimoutolu, Koe fefine baea ni, kuo ne li ki ai ae mea lahi hake iate kinautolu fulibe, kuo nau li ki he tukuaga koloa: He naa nau li kotoabe ki ai mei he e nau koloa lahi; ka ko ia, i he ene majiva, kuo ne li ki ai aia kotoabe ne ne ma’u, io, a ene moui kotoabe.

Bea nofo a Jisu o hagatonu ki he fale tukuaga koloa, o ne vakai ki he li e he kakai e nau baaga ki he tukuaga koloa: bea koe toko lahi nae koloaia ne nau li ki ai ae mea lahi. Bea ha’u ae fefine majiva kuo mate hono unoho, o ne li ki ai ae kihi’i baaga e ua, aia oku tatau moe kotani e taha.

Bea koe ofa kiate ia aki ae loto kotoa, moe atamai kotoa, moe laumalie kotoa, bea moe malohi kotoa, bea koe ofa ki hono kaugaabi o hage be koia, oku lahi hake ia i he gaahi feilaulau tutu kotoa moe gaahi hifo kotoabe.

Bea lea a Jisu, o beheage kiate kinautolu, Age kia Sisa ae gaahi mea a Sisa, bea age ki he Otua ae gaahi mea ae Otua. Bea naa nau ofo iate ia.