Popular Bible Verses from YOHANES 10

Share

Mananako kitang sumongo manako, mamate dang tadeau mundusa. Arawe Ia sumongo tadeau taumata makahombang puwawiahi – puwawiahi ko napene-pene.

Ia i'i gembala ko mapia. Gembala ko mapia manarakang u watangeng-E guna ngu manga dombae.

Apang domba-Ku mundaringihi tingihi-Ku. Ia makakil᷊al᷊a si sire, dang i sire kaul᷊ie tumuhu, si Sia.

Ia nangonggo puwawiahi ko kahingang l᷊au ko kakal si sire, dang i sire ta sarung mawinasa sarang kal᷊iwuenge. Takoae sarang singkatau ko makapangaho si sire bou l᷊ima-Ku.

Ko Ia tukari. I sai ko sumu bou Ia sarung masal᷊amati; i sie sumuwang sumu dang makarea kang.

Ia i'i Gembala ko mapia. Musul᷊ung kere I Yamang matitong u Ia dang Ia matitong I Yamang, kere'e l᷊ai Ia matitong apang domba-Ku dang i sire l᷊ai matitong u Ia. Ia manarakang u watangeng-Ku guna ngi sire.

I Yamang-Ku, ko seng nanarakang i sire si Sia, nangilembo bou kaul᷊ie. Dang takoae sarang singkatau ko makapamal᷊aho si sire bou l᷊ima ngi Yamang. Ia dingang I Yamang e'e ko simbau.”

Ia i'i Gembala ko mapia. Musul᷊ung kere I Yamang matitong u Ia dang Ia matitong I Yamang, kere'e l᷊ai Ia matitong apang domba-Ku dang i sire l᷊ai matitong u Ia. Ia manarakang u watangeng-Ku guna ngi sire.

Takoae sarang singkatau ko makapangal᷊a bou Ia. Ia manarakang u e'e bou kao-Ku sisane. Ia pia kawasa manarakang u e'e dang pia l᷊ai kawasa sau mangal᷊a e'e. E'e hal᷊i ko Daku nitarima bo I Yamang-Ku.”

Kuteu I Yesus sau l᷊ai nangul᷊i paghisa, “Mang tingari kahingang didato-Ku i'i. Ia ko tukari guna ngu domba.

Taumata paparentang ko wal᷊inge gembala dang l᷊ai wal᷊inge tataghuang u manga domba e'e, sarung tumal᷊ang manintang u manga domba boko i sie makawua sarigala sumongo. Kuteu manga domba e'e sarung tumbou ngu sarigala dang ipukaesi.

“Mang tingari didato-Ku i'i: Taumata ko musumu su kuhung u domba l᷊umempang pagari, dang ta mul᷊umiu tukari, kateho musumengkang bou tampa ko wal᷊inge, taumata e'e ko mananako dang tahahampasi.