Popular Bible Verses from LUKAS 6

Share

Pangonggoko su taumata ko wal᷊inge tadeau Mawu Ruata l᷊ai mangonggo si kumu; i kumu sarung manarima l᷊aonggo mapene-pene ko seng niukuri pakasima-sima guna ngi kumu. Watu'u ukurang ko ipangukuri si kumu sarung ipangukuri u Mawu Ruata si kumu.”

Taumata ko mapia mupasuwang u manga hal᷊i ko mapia, watu'u naunge napene u ko mapia. Taumata ko dal᷊ai mupasuwang u hal᷊i ko dal᷊ai, watu'u naunge napene ko dal᷊ai. Ual᷊ingu apang ko nihabari u mohong e'e ko nusumuwang bou naung.”

Tuhu hinonge wal᷊ingewe kere'e! Su l᷊ikuri e'e i kumu mambeng kumindaghi u sudu'u dang pukoa ko mapia si sire. I kumu mambeng pangonggo rang, dang kumbahang muharapi sau masul᷊e. Boko kere'e wawal᷊isi sarung ko l᷊abo dang i kumu sarung mariadi manga ana u Mawu Ruata Ko Karangetange. Watu'u Mawu Ruata mapia naung-E su taumata ko wugha mutarimakase dang l᷊ai su taumata ko dal᷊ai.

Pukakindaghiko i kumu kere I Yamangu l᷊ai ko makindaghi!”

“Kumbahang mamonesi taumata ko wal᷊inge, tadeau i kumu l᷊ai ta iponesi u Mawu Ruata. Kumbahang muhukung u taumata ko wal᷊inge, tadeau i kumu l᷊ai ta ihukung u Mawu Ruata. Ampungete taumata ko wal᷊inge, tadeau Mawu Ruata l᷊ai mangampung si kumu.

“Arawe si kumu ko kapundaringihi si Sia su tempo i'i, Ia mangul᷊i u tatanata i'i: kindaghite manga sudu'u, dang pukoa ko mapia su taumata ko mubinsi si kumu. Al᷊amatite taumata ko mangane si kumu, dang kal᷊iomanenge taumata ko mundal᷊ai si kumu.

Pukoate su taumata ko wal᷊inge, kere ko ikao i kumu pakikoa si sire.

Boko taumata ko mamal᷊eri pipiu simbuka, walate i sie pamal᷊eri l᷊ai pipiu simbuka. Boko kakingkaengu nipal᷊aho, onggo l᷊ai laku'u. Boko taumata mundo manga apa si kau, onggote e'e si sie; dang boko rarotongu nipal᷊aho, kumbahang sau al᷊akengu.

“Kau ko matuwo ta muwua ngu wua ko dal᷊ai. Kere'e l᷊ai kau tatuwonge ko dal᷊ai, ta muwua ngu wua ko mapia.

Apang kau ikakil᷊al᷊a bou wuange. Nggal᷊umue ko mal᷊ahoro ta muwua wua ngu ara, dang rindulu ko mal᷊ahoro ta muwua wua ngu anggori