Popular Bible Verses from LUKAS 8

Share

Sasuang ko nanawo su tana ko matawa, musul᷊ung u taumata ko nakaringihi habari e'e, bou e'e nundeso e'e su naung ko mapia dang ko matul᷊iri. I sire nakaputatahang sarang nuwua.”

Sasuang ko nanawo su tal᷊oara u ghal᷊umu ko makasusu musul᷊ung u taumata ko nakaringihi habari e'e, kateho maghagha hal᷊i u puwawiahi sire dang mo muwiahi ko kala l᷊au sanang su l᷊al᷊ung u dunia i'i. Kaul᷊ie e'e nuhepesi si sire hakiu ta nuwua ko masasa.

Sasuang ko nanawo su tampa ko mawatu e'e ko musul᷊ung u taumata ko su tempo ngu nakaringihi habari e'e, nanarima dingang l᷊uasi u naung. Kateho habari e'e ta nuhamu su naung i sire. I sire nangimang kitang singkatempo, dang su tempo nisongong u sasal᷊uka, i sire nutumal᷊ikuri.

Bou e'e I Yesus nangul᷊i su manga tumatuhu-E, “Nakurawe i kumu ta mangimang si Sia?” I sire naherang l᷊au nataku. Dang nangul᷊i i sire simbau dingang ko wal᷊inge, “I sai hinonge taumata i'i sarang nuparenta su anging l᷊au l᷊ua, dang I Sie niraringihang!”

Sasuang ko nanawo su l᷊al᷊eng, musul᷊ung u manga taumata ko nakaringihi didato e'e. Kateho setang nusumongo dang namal᷊aho habari e'e bou naung i sire, tadeau kumbahang i sire mangimang dang ipakasal᷊amati.

Takoae ko kawawuni ko ta ikawua; dang takoae ko nipakarumasi ko ta sarung bongkareng dang katitonang.

Tau kowawine e'e nakapundang himoneu kakanoae seng nikatitonang. Inau i sie nusumandighi dingang kakendenge nusuba su saruang I Yesus. Kuteu i sie nuwuke su tingo ngu taumata maul᷊i, nakurawe i sie nanuhung si Yesus dang sakie singkatempo e'e l᷊ai naul᷊e. I Yesus nangul᷊i si sie, “Ana-Ku, ual᷊ing i kau mangimang si sia, i kau naul᷊e. Tamaite dingang u sal᷊amati.”

Manga tumatuhu I Yesus nusumandighi si Sie dang namuko si Sie. I sire nangul᷊i, “Tuang Guru, Tuang Guru, i kite masilaka!” I Yesus nuwangung bou e'e nuheang anging l᷊au l᷊ua ko l᷊abo e'e. Anging dingang u l᷊ua e'e turusi nangiro, bou e'e rano nakoa ko mal᷊ene-l᷊enehi.