Popular Bible Verses from MARKUS 4

Share

I Yesus nuwangung, bou e'e nuheang anging e'e dang nangul᷊i su rano, “Karumasi, kal᷊enehe!” Anging nangiro dang rano dingang nutingkal᷊enehi. Bou e'e I Yesus nangul᷊i su manga tumatuhu-E, “Apa makataku si kumu? Nakurawe i kumu ta mangimang si Sia?”

Kuteu i sire mbuhue nataku dang kapudidatonge i sire l᷊au i sire, “Ko i sai inau taumata i'i, hakiu anging l᷊au l᷊ua tumuhu si Sie.”

I Yesus katikie mal᷊uma su petonge nanguleleng su lalengang. Manga tumatuhu-E namuko si Sie. I sire nangul᷊i, “Tuang, I Tuang ta mupandung, i kite seng masilaka?”

Bou e'e I Yesus nangul᷊i l᷊ai, “Putuhung ko pakapia apang ko nikaringihi kumu i'i ukurang ko ipangukuri kumu su taumata ko wal᷊inge mang sarung l᷊ai ipangukuri u Mawu Ruata si kumu dang mborong lebe maul᷊i l᷊ai.

I Yesus sau l᷊ai nanurusi didato-Nge, “Boko Mawu Ruata seng mamarenta kere Ratu, kakakoae musul᷊ung u papinintu kere singkatau mananawuhi sasuang su l᷊al᷊ung u anseri. Huwi i sie matiki, l᷊ou i sie muwangung. Dang su tempo e'e sasuang seng katuwonge dang kal᷊al᷊aboe. Arawe kirapa sasuang e'e tumuwo dang mal᷊abo, tau e'e wugha.

Ual᷊ingu e'e boko pia tul᷊i, pundaringihi!”