Popular Bible Verses from YOHANES 19

Share

Ar Yesus anggur ade werek mende amburu enogo arar nengga lagagerek, “Obok arar eki o,” yiluk yirige. Yega lagagerek, Ar iliti agurengge waganogo wogotuk, uruwak yiwo-yiwo arar kanggige.

Tuguluk Ar Yesus, ye wene nde wene Ar eru mende eti, obok arar ekige ilu ar ma, wene ambi Alkitab akla nen yirige mende ambi, apma dik yuwak nen yiluk, “An i abu o!” yiluk yirige.

Tuguluk Ar Yesus nen, Ar agwiya o, Ar mutok lagwi mende Ar iliti kunik kwak o, etanogo obogar welagwi il daga lagagerek, Ar agwiya yoga dogolir, “Kwei, elege endi kar kagadak arar o!” yiluk yorige. Yoga lagagerek, Ar awor enogo yoga dogolir, “Kwe endi kar kagwiya arar o,” yiluk yorige. Yorige etanogo kudi nen, Ar awor enogo nen, kwedak enogo ar uma wolok lagagerek imbirak welagage.

Eku lagugwarik, Ar Yesus iyok pugulu paga oba panggo yugu lagugwarik, inil bikugu lagugwa, Ar ebe obogar arar kanggigemo inil kalok, Ar iyok pugulu dambe karugwa. Ogwe ar ap tentara ambi nen, tega wagangga lagagerek, elabur tega ndaluk togon arar wakige. Waki nanggige, Ar elabutla nen

Nenaluk eti etagage eti, Alkitab akla diru mbalek ndak-ndak apma dik yega dogolir, “Ar uwagalo ambiar ogwe pugularigin dek o!” yiluk yirige apma dik yuwak nen yiluk ekige o. Engga wene diru mbalek amberak paga nen, etegerogon ar yega dogolir, “Ir nen Ar tega ndalugun etnogo, tuguluk ir inil bikugun o,” yiluk yirige o.

Ar enogo o kari karo enogo piyalka lagagerek, wundiluk wolok, o endaga Ibrani wene paga: Golgota etoma wolok arar lagage.

Yirigemo, ir ap tentara yemenogo nen, mumun adok werek mende mbalogo, teweri talek mendagago Ar Yesus aluak paga yikbugwi, nen tu jubah ambi elokte ungu Ar oba yikbiluk yogu dogolir