Popular Bible Verses from LUKAS 4

Share

“Roh Tuhan An noba werek o, Nenaluk Ar nen, An naluwak tebelkige eti, Akuni iningi dek mende, Pano Wene yorar laurak paga. Ar nen An mirnakige wene eti telekma yorawak nen yiluk, Akuni inabukmo tebelek werek mende inadik telekma erogo bawak nen yiluk, nen inil mbuk mende benggelogo bawak nen yiluk. Tuguluk ir akuni yiduk maduk erinakwi mende eti, wender ugunar bawak nen yiluk, nen wene yoragu dogomo Tuhan waru panggo lari waga o. Akuni Ar ane waganggwi mende inagap endarurak enogo, o arar panggo yi waga o,” yiluk diru endaga talkige.

Ar Yesus nen onggo yoga dogolir, “Alkitab mbalek paga nen yega dogolir, ‘Kinombae Tuhan Allah adigar wogokdugwi dogolir, eyabu eku dogoni o,’” yiluk yirige o.

Yorigemo Ar Yesus nen wene onggo yoga dogolir, “Wene diru mbalek Alkitab paga nen yega dogolir, ‘Akuni iniluk welagwi eti, erom nenggetek paga mban dek o.’”

Ar Yesus akla, Roh Allah kerok togon yagartari wura waga lagagerek, Ar Roh Allah enogo nen, i Yordan ima dambe kalok, Ar ebe o ye dekma nde dekma telekma etoma arar wolok lagage.

Yesus nen yoga dogolir, “Alkitab mbalek paga yega dogolir, ‘kar mende Tuhan Allah eti, abuk mbalka mondok maga o.’ ”

Ar Iblis nen, Ar Yesus ye paga nde paga, abuk arar mbalka lagagerek, o telek nanonggal ambi kenam ari warigin ar o, yiluk, Ar Yesus dambe kalok lagage.

Tuguluk, ar Iblis nen, Ar Yesus wolok o ambimo anggup idu paga dagaga lagagerek, ar Iblis nen yoga dogolir, Kerajaan o agar paga yoma werek mende kil lakan nda, yiluk yorige. Tuguluk ar Iblis nen, Ar Yesus yoga dogolir, “Yogo an namindi namende inom, an nalon palek mende inom, Kar arar wokirigin o. Nenaluk etoma obogar an woknirigemo o, nen an nen ta wogorurak eti, nadik nakla andalok wogoraurak o. Nen Kar tebe yiluk, an wogok dangga kalok, etoma obogar, Kar kadik kamende arar etarigin o.” Ar Yesus nen onggo yoga dogolir, “Alkitab mbalek paga nen yega dogolir, ‘Kinombae Tuhan Allah adigar wogokdugwi dogolir, eyabu eku dogoni o,’” yiluk yirige o.

Tuguluk ar Iblis nen Yesus wolok, o Yerusalem paga, Tuhan Ai palek kirin paga bi lagagerek yoga dogolir, “Kar Ar Allah Akbur ar enogogi? Etiar ma, yogondak Kar mbok wuran nda. Nenaluk Alkitab akla diru mbalek yega dogolir, ‘Ar Allah nen, ir malaikat mende, Kar karuam pik pak dogorak yiluk yoragin o. Nen ir malaikat mende nen, ininggi ndalek paga wokabugun o. Nen eti paga, kar nggir paga kiyok dik togon watagin dek o,’” yiluk yorige o. Yesus nen yoga dogolir, “Alkitab mbalek paga yega dogolir, ‘kar mende Tuhan Allah eti, abuk mbalka mondok maga o.’ ”