Popular Bible Verses from MARKUS 2

Share

Yoragwi enogo ar Yesus aruk kolal bega lagagerek, wene onggo yoraga dogolir, “Ar ap ambi u waki dek kalok eti, dokter bika laurak andaktaga mende dek, arte, u warek kalok mban pano erinabuak nen yiluk, dokter bika laurak anda taga mende o. An wagagi enogo eti, ir ap inobabur kolek pano dogitaga mende mban inayonggo bik yiluk waru dek o, arte, ir ap maduk erir taga mende kalok inayonggo bik nen yiluk, wagagi o.”

Ar Yesus nen, ir ap e utuk lagugwa mende enogo iniliti Ar oba ebebar andalok wolok andalok oba wurakwi enogo yenggak daga lagagerek, ap enogo yoga dogolir, “Nakbur o, komaduk obok dek erogo bagagi o,” yiluk, yorige.

Yoraga lagagerek ambi inom yoraga dogolir, “Tamban ekwi paga o Sabat eti, akuni inake o, yiluk mirik o, nen akuni kwak eti, tamban ekwi o Sabat ake dek o.

E utuk wolok wagu lagugwa, uma etoma Yesus inom akuni mondok pakalok ma nggedek ertatuk pukmo wolok wagugwa. Etegerogo aginanggige ir ap enogo o timbuk paga dagagu lagugwarik, ar Yesus werek ma etanogo amor-amor, o wakngger talek miyalkugwa. Miyalku lagugwarik, ap enogo ogi tikar ndalek ar Yesus uwagam wukdirugwa.

Etegerogo ogwe, kir kinilu erogo yokerak o. O agar paga yoma Akuni inakbur endak tagagi enogo akuni inomaduk dek erogo baurak ndak o.” Yoraga lagagerek ambi inom ap enogo yoga dogolir, “Kiluk atuk ogi tikar ndalogo windik welagan mende enogo kodalok menatuk lan o!” yiluk yorige aga.

Wene ndak yurak negen kak eti nenggerogo ‘Komaduk obok dek erogo bagagi o,’ yiluk yurak a ‘Menatuk ogi tikar ndalogo wokarek wagiya mende eti kodalok lan yiluk yorurak a’?

Auan yoga kigik menaga lagagerek, tikar ndalek windik welagage mende enogo kodalok inil paga tekman nggwe wulkige. Wundi lagi nanggige, ir akuni yomanogo nen yugu dogolir, “Nir yegerogo ekwi ambi mondok ninil dalodek mende arar eke o,” yiluk andarugwa.