Popular Bible Verses from Luk 12

Share

'Ba uuni thuwø bëëdu ni rou you jiiŋŋø. Kiper Wär Dhaanhø öö ri caa mo käru dïëdö.»

'Ba beerra man manynyu bura mare. Køøre nø, gïïögø bëët owëëk uuni thuwø.

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Kiper kanyo kanu japu yie, cwïnynyu oen kanyøca thuwø.

?Na aŋa dïïu ni løny jïre ki man meet nïr kwøw moe ki mo thenh keerge kiper mano lääŋ gø?

Kanyøgø Jecu aköö jï bääge, «Kiper manøgønø, a cäänna uuni, ni kär dee gïn lääŋŋu kiper jwïëyu, ki gïïo cammu, ni ba lääŋŋu dëëtu, ka abïïe moo røøu dëëtu.

Këëlla jïëc wïthu okwaanø bëët. Käru lwäär. Uuni, letha peru ka acøki mo thööth.

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Caarru weny ni wø ba pïïdhö, ni ge ba kääö, ni wø jïge bäŋ uudi mo känge yïthge, wala odek. 'Ba Jwøk wø poot caama geni. ?Aŋø, ba letha peru døc ki weny?

Käru bëëdö ni cwïnynyu ena køør gïï wø cammu, ki gïï wø maathu, ni ba bëëdu nou lääŋŋa ge ki cwïnynyu.

?'Ba ni näk Jwøk luum ni wø marr yi pwödhö dïcäŋi ni leeŋi maac diøø ee døøc mo mïërö, a uuni, u ba dee gø gwøø nidïï, u ni ŋäädhe maru thiinh en?

Bäŋ gïrpiny mo ouumö mo ba cäŋ nyoothø, wala gïrpiny mo okanø, mo ba cäŋ jootø.