Popular Bible Verses from Luk 8

Share

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

'Ba moa päth yïth koodhi, beege jø wø wïny luum Jwøk, 'ba kany wø bëëtge, ge bøøc ki køør gïï wø lääŋge ki cwïnyge, ki jap kwär, ki jap wø many dëëlli, ni ba jïtge ki nyïëdi.

'Ba moa päth kany mo da kïdi, ge caala jø wø laar jïëy ki met ec kany wø wïnyge luum Jwøk; 'ba jïge bäŋ lweedi, ni ge jïëy ka kany mo thiinh keere. 'Ba kany wø dee päänynyö, ge wø laara døø cään.

Ni kööe jï bääge, ni «?Ŋäädhe maru en kaa?» Ni lwäcge, ni rëëm yïthge, ni cäänge yïthakicge keerge, ni «?Man a teeŋ dhaanhø mo nyïëdi en, ni këël atuunna ka athaga jooe jooø, ni leŋge luumme?»

'Ba moa päth thääŋ jöö caala jiy mo wø wïny luum Jwøk; 'ba anägö öö, ni käl luubö wøk cwïnyge, kiper nee ge ba jïëcge ni ŋääthge, nee ge piem.

Ni bäŋe gïn mo okanø, mo ba cäŋ nyoothø, ni bäŋ gïn mo omooŋø, mo ba cäŋ käl wøk yi tar.

'Ba kanya ö nyijøøgø na joot gø ni eni ŋäc, ena ö nyïm ni dëëre kwanynyi ni päth nyïm Jecu, ni køp gïna gut gø kipere nyïm jiy bëët, ki kanya put dëëre jöönnö. Ni kö Jecu jïgø, «Nyaara, ŋäädhe marï dëërï awëëk jöönnö. Ciï nø ki met ec.»

Ni cige baŋ Jecu ni jiecge gø ni köge, «Dïpööy, Dïpööy, øøna thøw!» Ni pääe ni jook atuunna ka athaŋŋøgø ni raac enø. Ni cuŋge, ni put pinynyi nibäc.