Popular Bible Verses from SOQQAMAASINETE LOOSO 1

Share

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

Yesuusi kayinni, «Annu roorresinni hirqino yannanna diro afate ki'nera diuyinoonni'ne.

Ledonsa hee'ri yannara, «Ani kuloommo'neha Anni'ya uyinoe hexxo agadhe ikkinnina Yerusaalametenni fultinoonte. Yohaannisi wayinni cuuino; ki'ne kayinni shiimu barri gedensaanni Qullaawu Ayyaaninni cuuantinanni» yee hajajinsa.

Lowo qarra adhe reyihu gedensaanni batinye hige daanni, heeshshonniha ikkasi leellishinonsa. Shoyilloo barra wo'ma leellanninsa Maganu gashshootire rosiisinonsa.

Hatto yiihu gedensaanni, insa la'anni heedheenna gordu iimira fuli. Gomichu guggushshe albinsanni golisi.

Isi gordu iimira fulanna, rosaanosi iima higge la'anni heedheenna lamu waajjo uddano uddidhino mannooti mulensa uurrite, «Ki'ne Galiilu manna, iima higgine la'inanni kawiicho mayira uurritinoonni? Iima hige ha'ranna la'ini Yesuusi, iima hige ha'ranna la'ini garinni galagale daanno» yitunsa.