Popular Bible Verses from ငဝ်ႈၵမ်ႇၽႃႇ 39

Share

ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူဝ်းသႅပ်ႈ ​လႄႈ မၼ်း​ၵျၢမ်ႇ​ပွင်​ၸိူဝ်ႉ​ၼင်ႇ​ႁိုဝ်​ၵေႃႈ ၸၢင်ႈ​ပျေႉ​ၸုမ်ႇ​ဢေႃႈ။ မၼ်း​လႆႈ​ယူႇ​ၵႃႈ​ၼႂ်း​ႁိူၼ်း​ၸဝ်ႈ​မၼ်း ၵူၼ်း​ ဢေႇၵိပ်ႉတူႉ ​ၼၼ်ႉ​ဢေႃႈ။

ၸဝ်ႈ​မၼ်း​ၼၼ်ႉ ဢဝ်​ဢုၵ်ႉ​ၸႃႇ ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​ၵႃႈ​ၼႂ်း​မိုဝ်း​ ယူဝ်းသႅပ်ႈ ​သေ​လႄႈ ၼွၵ်ႈ​သေ​တၢင်း​ၵိၼ်​တၢင်း​ၶူပ်း​ဢၼ်​တူဝ်​မၼ်း​ၵိၼ်​ၶူပ်း​ၼၼ်ႉ၊ မၼ်း​ယင်း​ဢမ်ႇ​ႁူႉ​ဢမ်ႇ​မၢတ်ႈ​လွင်ႈ​ဢၼ်​ဢုၵ်ႉ​ၸႃႇ​မၼ်း တၢင်ႇ​ၸိူဝ်ႉ​တၢင်ႇ​ဢၼ် ယင်း​မီး​ၼၼ်ႉ​လႄႈ​ယူႇ​ဢေႃႈ။ ယူဝ်းသႅပ်ႈ ​ၼၼ်ႉ​ႁၢင်ႈ​ၽၢင်​ယဵၼ်ႇ​လႄႈ ၼိူဝ်ႉ​ၼင်​ၵေႃႈ ႁၢင်ႈ​လီ​ဢေႃႈ။

ပိူဝ်ႈ​ၼႆ​လႄႈ ထွင်ႇ​မူး​ၼၼ်ႉ ဢဝ်​ၶဝ်​ၸိူဝ်း​ဢၼ် လႆႈ​ၶၢမ်ႇ​တၢင်း​ဢၼ်​ၶျုၵ်ႈ​ဝႆႉ ၵႃႈ​တီႈ​ထွင်ႇ​ၼၼ်ႉ​တင်း​သဵင်ႈ​တင်း​လူင် ဢၢပ်ႈ​ပၼ် ၵႃႈ​ၼႂ်း​မိုဝ်း ယူဝ်းသႅပ်ႈ ​လႄႈ မၼ်း​ပဵၼ်​ၵေႃႉ​ဢၼ်​လႆႈ​ၸီႇ​ယၢင်ႇ လွင်ႈ​တၢင်း​ၵႃႈ​ဢၼ်​ၶဝ်​ႁဵတ်း​ၵႃႈ​ၼႂ်း​ထွင်ႇ တင်း​သဵင်ႈ​တင်း​လူင်​ဢေႃႈ။

ဢဝ်​ ယူဝ်းသႅပ်ႈ ၵႂႃႇ​ၶင်​ဝႆႉ​ၵႃႈ​ၼႂ်း​ထွင်ႇ တီႈ​ဢၼ်​ၵူၼ်း​ဢၼ်​ၶုၼ်​ႁေႃ​ၶမ်း​ၶျုၵ်ႈ​ဝႆႉ​တင်း​လၢႆ​ယူႇ​ၼၼ်ႉ​လႄႈ မၼ်း​လႆႈ​ယူႇ​ၵႃႈ​ၼႂ်း​ထွင်ႇ​ဢေႃႈ။- ၵူၺ်း​ၵႃႈ ထႃႇဝရႃႉ​ၽြႃး​မီး​ယူႇ​လူၺ်ႈ​ၵၼ်​တင်း​ ယူဝ်းသႅပ်ႈ ​လႄႈ ဢဵတ်း​လူ​ႁဵတ်း​ၵျေး​ၸူး​တီႈ​မၼ်း​လႄႈ ႁႂ်ႈ​မၼ်း​လႆႈ​ၼႃႈ​လႆႈ​တႃ ၵႃႈ​တီႈ​ထွင်ႇ​မူး​ဢေႃႈ။

ဝၢႆး​ၼၼ်ႉ​မေး​ၸဝ်ႈ​မၼ်း​ၼၼ်ႉ​ဢဝ်​တႃ​ထိမ်ႇ​ၸူး​သိူင်ႇ​ၸူး​ ယူဝ်းသႅပ်ႈ ​လႄႈ​လၢတ်ႈ​ဝႃႈ၊ ၼွၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ ဝႃႈ​ၼင်ႇ​ၼႆ​ဢေႃႈ။- မၼ်း​ၵေႃႈ​ထဵင်​ပႅတ်ႈ​လႄႈ​လၢတ်ႈ​တီႈ​မေး​ၸဝ်ႈ​မၼ်း​ၼၼ်ႉ​လႄႈ​ဝႃႈ၊ တူၺ်း​ၶႃႈ​လူး၊ ၸဝ်ႈ​ၵဝ်​ၶႃႈ​ဢမ်ႇ​ႁူႉ​လူၺ်ႈ​လွင်ႈ ဢုၵ်ႉ​ၸႃႇ​ၵႃႈ​ဢၼ်​မီး​တီႈ​ၵဝ်​ၶႃႈ​ၵႃႈ​ၼႂ်း​ႁိူၼ်း​ၼႆႉ​လႄႈ ဢဝ်​ဢုၵ်ႉ​ၸႃႇ​ၵႃႈ​ဢၼ်​မီး​တီႈ​မၼ်း​ၸဝ်ႈ ဢၢပ်ႈ​ပၼ်​ၵႃႈ​ၼႂ်း​မိုဝ်း​ၵဝ်​ၶႃႈ​ယဝ်ႉ။- ၵႃႈ​ၼႂ်း​ႁိူၼ်း​ၼႆႉ​ၵေႃႈ၊ ၵေႃႉ​ဢၼ်​ယႂ်ႇ​သေ​ၵဝ်​ၶႃႈ​ၼႆႉ ဢမ်ႇ​မီး​ယဝ်ႉ။ လိူဝ်​သေ​ၸဝ်ႈ​ၼၢင်း ဢၼ်​ပဵၼ်​မေး​မၼ်း​ၸဝ်ႈ​ၼၼ်ႉ​ၼႆႉ၊ မၼ်း​ၸဝ်ႈ ဢမ်ႇ​ႁႄႉ​ဢမ်ႇ​ၶႅၼ်​ၵႃႈ​သင်​တီႈ​ၵဝ်​ၶႃႈ။ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​ၶႃႈ​တၵ်း​ႁဵတ်း​ဢမူႉ​ဢၼ်​ဢပႅတ်ႈ​ယႂ်ႇ​ၼႆႉ​လႄႈ​ၽိတ်း​ပိူင်ႈ​ၽြႃး​ပဵၼ်​ၸဝ်ႈ​လႆႈ​ၸိူဝ်ႉ​ၼင်ႇ​ႁိုဝ်​ၶႃႈ၊ ဝႃႈ​ၼင်ႇ​ၼႆ​သေ​ဢေႃႈ။

ဝၼ်း​ၼိုင်ႈ မၼ်း​ၶဝ်ႈ​ၵႃႈ​ၼႂ်း​ႁိူၼ်း​ႁႂ်ႈ​လႆႈ​လူ​တူၺ်း​ၵၢၼ်​ငၢၼ်း​မၼ်း​လႄႈ၊ မိူဝ်ႈ​ဢၼ်​ၵူၼ်း​ၸၢႆး​ၵႃႈ​တီႈ​ႁိူၼ်း​ၼၼ်ႉ ဢမ်ႇ​မီး​သေ​ၵေႃႉ​သေ​ၵူၼ်း​ၼၼ်ႉ​ၸိုင်၊- မၼ်း​ၼၼ်ႉ​တိုတ်ႉ​ၸၼ်​ဢဝ်​ၶူဝ်း​ၼုင်ႈ​မၼ်း​လႄႈ​လၢတ်ႈ​ဝႃႈ၊ ၼွၼ်း​လူၺ်ႈ​ၵၼ်​တင်း​ၵဝ်​သေ​ၵမ်း၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​လွၼ်ႈ​ပႅတ်ႈ​ၶူဝ်း​ၼုင်ႈ​မၼ်း​ဝႆႉ ၵႃႈ​ၼႂ်း​မိုဝ်း​မၼ်း​ၼၼ်ႉ​သေ​လႄႈ လႅၼ်ႈ​ပၢႆႈ​ဢွၵ်ႇ​ၵႂႃႇ​ၵႃႈ​ၼွၵ်ႈ​သေ​ဢေႃႈ။