Popular Bible Verses from လူႉၵႃႇ 11

Share

ပိၵ်ႉ​သမ်ႉ​သူ​ပဵၼ်​ဢၼ်​ႁၢႆႉ​မိူၵ်ႈ​ယူႇ​သေ​ၵေႃႈ၊ ပေႃး​သူ​ၸၢင်ႈ​ပၼ်​ၶိူင်ႈ​ပိူင်​ဢၼ်​လီ​ဢၼ်​ငၢမ်း​တီႈ​လုၵ်ႈ​လၢင်း​သူ​ယူႇ​ၸိုင်၊ ပေႃႈ​သူ​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ ယဵင်ႈ​ၶႅၼ်း​တၵ်း​ပၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​တီႈ​ၶဝ်​ၸိူဝ်း​ဢၼ်​သူး​တွင်း​ယွၼ်း​ၼၼ်ႉ​ဢမ်ႇ​ၸႂ်ႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

ၵဝ်​သမ်ႉ​ဝႃႈ​ထႅင်ႈ​ၸမ်ႉ၊ ယွၼ်း​တႃႉ။ ပေႃး​ယွၼ်း​ၸိုင်​တၵ်း​လႆႈ​ဢေႃႈ။ ႁႃ​တႃႉ။ ပေႃး​ႁႃ​ၸိုင်​တၵ်း​ထူပ်း​ဢေႃႈ။ တွႆႇ​ၽၵ်း​တူ​တႃႉ။ ပေႃး​တွႆႇ​ၸိုင်​တၵ်း​ၽုၺ်ႇ​ဢေႃႈ။

ၵေႃႉ​ဢၼ်​ယွၼ်း​ၸမ်ႉ၊ လႆႈ​ဢေႃႈ။ ၵေႃႉ​ဢၼ်​ႁႃ​ၵေႃႈ​ထူပ်း​ဢေႃႈ။ တီႈ​ၵေႃႉ​ဢၼ်​တွႆႇ​ၽၵ်း​တူ​ၵေႃႈ​တၵ်း​ၽုၺ်ႇ​ဢေႃႈ။

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ မိူဝ်ႈ​ဢၼ်​သူ​သူး​တွင်း​ၸိုင်၊ လွင်ႈ​ဢၼ်​သူ​တၵ်း​လႆႈ​ဝႃႈ​ၸမ်ႉ၊ ဢူဝ်း​ပေႃႈ၊ ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​မီး​တၢင်း​ဢၼ်​ရူဝ်ႇ​သေႇ​ၵူဝ်​ယမ်​သေ​ၵမ်း​လူၺ်ႈ​တီႈ​ၶႃႈ၊ ႁႂ်ႈ​မိူင်း​ၸဝ်ႈ​ႁဝ်း​တႄႇ​ပဵၼ်​သေ​ၵမ်း​လူၺ်ႈ​တီႈ​ၶႃႈ၊

ပိူဝ်ႈ​ဢၼ်​ႁဝ်း​ၶႃႈ ပွႆႇ​လွတ်ႈ​ဢပႅတ်ႈ​ပိူၼ်ႈ​တၢင်ႇ​ၵေႃႉ​ၵႃႈ​ဢၼ်​ၽိတ်း​ပိူင်ႈ​ႁဝ်း​ၶႃႈ​ၼၼ်ႉ​လႄႈ၊ ၶႅၼ်း​တေႃႈ​ပွႆႇ​လွတ်ႈ​ဢပႅတ်ႈ​ႁဝ်း​ၶႃႈ​သေ​ၵမ်း​တီႈ​ၶႃႈ၊ ဝႃႈ​ၼႆ၊ သူး​တွင်း​တႃႉ၊ ဝႃႈ​ၼင်ႇ​ၼႆ​ဢေႃႈ။

ၶႅၼ်း​တေႃႈ​ပၼ်​တၢင်း​ၵိၼ်​ဢၼ်​ပေႃး​ၵုမ်ႇ​လဵင်ႉ​ၸႂ်​ၼၼ်ႉ​တီႈ​ႁဝ်း​ၶႃႈ ၵူႈ​မိုဝ်ႉ​ၵူႈ​ဝၼ်း​သေ​ၵမ်း​တီႈ​ၶႃႈ၊

ဝၢၼ်ႇ​ၽႆး​တဵၼ်း​တူဝ်​ၵႃႇ​ယႃႉ​ၸမ်ႉ၊ ပဵၼ်​မၢၵ်ႇ​တႃ​ဢေႃႈ။ ပိူဝ်ႈ​ၼႆ​လႄႈ မိူဝ်ႈ​ဢၼ်​မၢၵ်ႇ​တႃ​မႂ်း​ၼၼ်ႉ​သႂ်​လႅင်း​ၸိုင်၊ တၵ်း​လႅင်း​တင်း​တူဝ်​ဢေႃႈ။ မိူဝ်ႈ​ဢၼ်​မၢၵ်ႇ​တႃ​မႂ်း​ၼၼ်ႉ ဢမ်ႇ​လီ​ၸိုင်၊ တၵ်း​လပ်း​သိင်ႇ​တင်း​တူဝ်​ဢေႃႈ။

ၵူၼ်း​ႁဝ်း​ၼႆႉ တႆႈ​ဝၢၼ်ႇ​ၽႆး​တဵၼ်း​သေ​လႄႈ ဢဝ်​ႁူမ်ႇ​ဝႆႉ​ၵႃႈ​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ဢမ်ႇ​ၸႂ်ႈ။ တႂ်ႈ​ပဵတ်ႈ​တႂ်ႈ​ၶွင်ႈ​ၵေႃႈ​ဢဝ်​ႁူမ်ႇ​ဝႆႉ​ဢမ်ႇ​ၸႂ်ႈ။ ၼင်ႇ​ႁိုဝ်​ၶဝ်​ၸိူဝ်း​ဢၼ်​ၶဝ်ႈ​မႃး​တင်း​လၢႆ​ၼၼ်ႉ တၵ်း​လႆႈ​ဢၼ်​လႅင်း​မၼ်း​ၸိုင်၊ ၸၢင်ႈ​ဢဝ်​တၢင်ႇ​ဝႆႉ​ၵႃႈ​ၼိူဝ်​ၶူင်ႇ​တီႈ​တႆႈ​ၽႆး​ဢေႃႈ။