Popular Bible Verses from 1 Musa 49

Share

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

Yusufa, ite ka muluŋ ne ko yiri dinnaa, yiri dinnaa meŋ be woyoo daala. A buloolu be sele kaŋ sansaŋ baloo la. Kalabeñetiyolu ye i kamfandi le, ka i buŋ ì la kalabeñoolu la ì la i koŋo kaŋ.

Bari i la kaloo tuta bambandiŋ ne, i buloo tariyaata, a bambanta. I semboo bota Yaakuba la Sembetii Baa le bulu, Isirayila Kantalaa, Isirayila la Bere baa. Allamaa n na Alla ye i maakoyi. Allamaa Alla Tallaa neema la i ma. A ye neema ke i ye samaajiyo la ka bo santo, a ye neema ke i ye ka bo duuma. A ye neema ke i ye musu jiidilaalu la, aniŋ beeyaŋolu.

Yahuuda, i faadiŋolu be ke la i tentulaa le ti, i la noo juloo le be tara la i jawoolu kaŋ, i faadiŋolu be naa le ka ñoyi i ñaatiliŋo la. Yahuuda, n dinkewo, ite ka muluŋ ne ko jatadiŋo, meŋ ka i baluu suboo la ka ke sembemaa ti. I ka i saba le, i ye i tiliŋ ko jatoo, ko jatamusoo, jumaa le be haañi la ka i maa?

Rubeni, ite le mu n diŋ foloo ti, n semboo, n semboo ye ite le foloo wuluu. Ñaaboo palaasoo be ite le bulu, aniŋ semboo. I be le komeŋ waamoo, moo te meŋ manankuŋ noo la. Bari i te tara la ñaaboo palaasoo to kotenke. Kaatu i ye laañooyaa tuluŋo ke i faamaa la laaraŋo le kaŋ, i ye n na laaraŋo kosondi.