Popular Bible Verses from Mateo 16

Share

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Mɨa jararuma: pɨ Pedropɨ. Mɨa nãɨ mawara ɨ̃rɨ mɨ p'uuru ooipɨ. Mi ãpia pida mɨ p'uuru p'uedaiwẽma, tachi piuutade pida.

P'uurudepema te ewaparí tearu jĩra mɨa pɨ Tachi Ak'õrepa ichidirã ichi juade ua bɨ t'ãena minachia k'awa bɨ jĩra bɨipɨ. Chi pɨa nãɨ ĩjũane ne itu bɨpiepɨra Tachi Ak'õre pajãne bɨ pida mãɨya ne itu bɨpiiwẽma. Ichiaba chi pɨa nãɨ ĩjũane ne itu bɨpiipɨra Tachi Ak'õre pajãne bɨ pida mãɨya ne itu bɨpiipɨ.

Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ.

Ẽpẽra nãɨ ĩjũane ne ãarea uru bɨde piuipɨra, ¿ichia uru bɨpa k'aripaik'ãra? ¿Jõmasã́ teai bɨma, ichi piuemaapa?

Mãɨne Jesupa idisima: —Maamina mãrapa mɨ ¿k'ai k'ɨ̃risia p'anɨma? Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.