Popular Bible Verses from मूक चेलाकू 16

Share

दो हँकिन कताया, “परबू ईसू एचेरेम बिसवासगे, दो आम अरू आमराः ओड़ाःरिकुःआ जमा होड़कू सडाव जुवाःता।”

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः। दो असाका हना ततेरराः ओत डोलावनेना अरू जेहेलराः नेव हों हिलावयान। हनमेला जेहेलराः जमा दुवारकून गीगयान अरू जमा होड़कूराः सिकिड़ी हों लड़ायान।

हना तयोमरे हाँय हँकिन जेहेल बहरीय उडुंगतेडकिना अरूय असेतेरा, “साहेबकिन, सडाव जुवाः लगा चिलायिंग एचे?”

दो जेहेलरीग अगुरा होड़ बेरेडनेनखन अरू जेहेलराः जमा दुवारकून गीगतोय ञेलतेरा दो हाँय ओंगोलतेरा, सींगतोकू दोहोना हँकुःआ होड़कू जमाकू ञीरयना। हनालगा हाँय आँयगराः तलवइरतेने उडुंगतेरा अरू अनँयग आँयग ञेड एंडान लगाय ओंगलेःआ। मनदो पउलूस खिररी घड़ीने कताया, “आम अनम जीव अहम लाय एंडागे। अले जमा होड़कू ननंडा इदानलेःआ।”