Popular Bible Verses from मती 23

Share

अपे अते तोनोंगीग मरंग इदानिया दो, हाँय जमाकूरीग सेवकियाय बड़ाँः।

अनँयग आँयग मरंगे ओंगलुःता हाँयग होड़, भगवान हुडिंगे बड़ाँवगेयता। अरू अनँयग आँयग हुडिंगे बड़ाँःता हाँयग होड़, भगवान मरंगे बड़ाँवगेयता।

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे फुदेना अड़ाः, सोंप अरू जीराकूनराः दस बंटारे मी बंटा भगवान लगापे एमेयता। मनदो अपे मोसेसराः नियमराः मइद कताकूनपे अड़ाःगोडता। अपे नाःआ जमाकून भगवान लगापे एमेय घड़ीन बिसवास अरू सोगा घड़ीन नपाय जीवपे जियाः दो नपाय दोहोकुःआ।

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे डुभा अरू छिपी सेरमो सेरमो एकलापे मंजवेता मनदो अपेराः इंदरीरे मुरुक ललची अरू बेलूर ओंगोल इदा।

ने एरुसलेम मरंग सहररिकुःआ होड़कू, अपे भगवानराः बड़रा कता होड़कूपे ञेड एंडाता अरू भगवान अपे एचेरेय वारतेडकुःआ हँकुःआ होड़कू दिरितेपे ञेडतेडकुःआ। ईंग मुरुक तुरहा सिम अनँयग होनकूय बुरुमता हना इया बनसावपे लगायिंग ओंगलेःआ। मनदो अपे ईंग हना इया एचे लगा मेरपे एमेवागाडिंग।

हनन इया अपे हों एटाः होड़कू एचेरे नपाय धरमिया होड़कू इयापे ञिलुःता, मनदो अपेराः इनिंदरी इंदरीरे जमा बरानाः गारबार अरू पचघुचियाते पेरेगतो इदा।