हनते मरंग पुजउरीकू एहूदाकूरिकुःआ मूक होड़कूकू राः जुमावतेरा अरू मीटोंग बुइदकू तुलातेरा। हँकू अगुरादारकू लगा मुरुक ढिबुवाकू एमेगोतेड अरूकू कतातेड, “अपे नाःआ इया होड़कू एचेरे कता उदुःगे लगा इदा, अले रइतरे अपीग मेला हाँयरिकुःआ चेलाकू वेजेडखन हाँयराः मुरदाकू इनिग गोःयरा, माःआन। नाःआ कता मरंग हातपात होड़ पिलातूस अयुमे दो अपे लगा हाँय एचेरेले बुतुड़ुता अरू अपे लगा तोनोंगाः सिकिसता ओरो होयानेना।” दो अगुरादारकू ढिबुवाकू पवावनेना अरू मूक होड़कू कता उदुःवातेडकुःआ हनन इया होड़कू एचेरेकू कता उदुःतेरा। नाःआ लबरा कता एहूदाकू तिसिंगाः दिन वरीकू बिसवासगेतना।