Popular Bible Verses from मरकूस 5

Share

दो ईसू हाँय एचेरेय कताया, “ने दिदी, आम ईंग एचेरेम बिसवासतेरा। हनालगा आम नपाययना। सलसततेम सलाव जुवाः।”

दो हंडा मी होड़ अइमी दोहोना। हाँयके बारह बरिस वरीते नहावन दोहोना। हाँय मुरुक जिड़ीदारकू ओजाहते मुरुक पिराय सहावनेन अरू आँयगराः जमा आन-धान नाःआ बेमारी लगाय चबागोतेड। हनारे हों तोनोंग नफा मेरेय पवावगान, मनदो हाँयराः बेमारी अनउर बगरायान।

हननमेला हाँयग अइमी नहावन बेमारीते नपाययान अरू हना हाँय अनँयग देहरे ओहेने सुदीगोतेड।

हनते ईसू हाँयग एराहोनराः तिःई साबतेडखने कताया, “तलीता कूमी!” (नाःआराः मतलोब नाःआ हवे, ने एराहोन रिमुःमे।)

ईसू कनताय मेला आईरराः ओड़ाः अतेकू वेगिकिया हँकुःआ होड़कू हाँय एचेरेकू कताया, “आम बिटी गोएगयनाय। दो गुरुजी चिला लगाम हलकइनगेयतना?” हना बड़रा ईसू अयूमतेरा दो हाँय हना बड़रा मेरेय अयुमेःआ हना इया आईर एचेरेय कताया, “अलोम बोर, ईंग एचेरेम बिसवासगोड ञवन।”

हनालगा हाँय मरंग बकाते ईसू एचेरेय कतातेड, “ने ईसू, भाबी भगवानरीग बेटा! आम ईंग चिला लगाम हलकइनगींगतना? भगवानराः किरिया जोमवाडखनिंग कतायता, ईंग पीरा अलोम एमेवायिंग।” दो ईसू हाँय एचेरेय होंबोरतेरा, “आमराः ञाव चेले माःआन इदा?” दो हाँय कतातेड, “अले मुरुक इदानलेःआ। हनलगा ईंगराः ञाव सइना हवे।”