Popular Bible Verses from Tashches Corintoĉantyidyes 1

Share

Jenꞌ jam muꞌin tsimꞌtacsi, muꞌ tsimꞌtacsi muꞌin jam dyijyedyeꞌtumtyiꞌ in muntyisyaꞌ vej muꞌin, paj qui muꞌin jorojĉanjeyacsi in junꞌ chuc fibity muꞌin dyijyedyeꞌtumtyiꞌ ĉútity in. Chimeꞌdye tsimꞌtacsi muꞌin jam fer buꞌyity in muntyisyaꞌ vej muꞌin, paj qui muꞌin jorojĉanjeyacsi in itŝiꞌ muꞌinsiꞌ ferdyeꞌ in muꞌin fer buꞌyi ĉútity in.

Muꞌin vaꞌtacdyety in fibis ĉọiꞌ in mọꞌ p̂eyacdyeꞌ voroꞌtacsejas tsun q̂uinꞌ, mọꞌ p̂eyeꞌ junꞌ chuc ijac croshcheꞌ muꞌ Cristo. Tsun na c̣honjaty chị́yejaꞌ tsun mọꞌdye p̂eyacdyeꞌ jorojĉanjepte Jenꞌsiꞌ ferdyeꞌ muꞌ

Meꞌ tsanꞌ jacchety muntyiꞌ in fibis ĉọpte in Jenꞌsiꞌ dyijyedyeꞌ muꞌ, mọꞌ qui namꞌ mọjoꞌchas dyijyedyeꞌ muꞌ, ọyaꞌyaꞌdye muntyis dyijyedyeꞌ muꞌinsiꞌ dyijyedyeꞌtumtyis ĉútity in. Jacchety muntyiꞌ in itŝiꞌ ferdyeꞌ ĉọpte in, muꞌsiꞌ na ferdyemꞌ jam tyi chaꞌshepte cätsbite in, itŝiꞌ méquis muntyis ferdyeꞌ muꞌin.

Jenꞌ nash jịꞌcätsety p̂eyacdyeꞌ muꞌ, muꞌ fayinactyiꞌ miꞌin, judyeyaꞌ yuꞌtyinac paj qui Jesucristoty miꞌin Ạvaꞌ muꞌ, muꞌ Ayoꞌ tsun.

Vojity, Jesucristoscheꞌ tịj muꞌ Ayos tsun, yụ ferdyeꞌtum jéyac miꞌin: vaj cäts dyijyejamꞌ miꞌin, jam raꞌ yoc yoc dyijyi miꞌin, mijam raꞌ fáquitidyeꞌtum bäꞌyi miꞌin, vaj meꞌ dyijyejamꞌ ĉojtyiꞌĉan miꞌin.

Muꞌ Jenꞌ jorojĉanjeyacsi anic fibis dyijyedyeꞌ muꞌin jacchetysiꞌ muntyis in, mọꞌ fibis shupquiꞌ Jenꞌsiꞌyaꞌ vej muꞌ. Meꞌ tsanꞌ dyijyedyeꞌtumtyiꞌ ĉúti in, judyeyaꞌ jiꞌchäyitity in, judyeyaꞌ chịj p̂eyaquity in judyeyaꞌ chịj chutity p̂eyacdyeꞌyaꞌ in jacchesyaꞌ jedyeꞌ, räj joꞌmes in mọꞌ fibidyes shupquiꞌ Jenꞌsiꞌyaꞌ vej muꞌ.