Popular Bible Verses from Tashches Corintoĉantyidyes 9

Share

Jeshaꞌ, muꞌin majmaijtyiꞌ in anic jämꞌ ĉujcati in judyeyaꞌ jiꞌfercaqui aꞌ muꞌin paj qui tupuj bijoij in. Mọꞌ bijodyeꞌ muꞌin ĉästacdyeꞌ q̂uebeꞌnacsiꞌ shan, mọꞌ cavin mọtsis. Tsunsiꞌ na raꞌ bijodyeꞌ, mọꞌ soꞌmisinꞌsiꞌ raꞌ muꞌ Jenꞌ yocsiꞌdye, mọꞌ raꞌ jam yirisĉan mạyedyeꞌ mọtsiꞌ. Meꞌ buꞌyi yụ Jenꞌdyes, yojdyemꞌ p̂iquity muntyiꞌ u in, jam yocsiꞌ jedyeꞌ dyijtuiꞌ yụ, chimeꞌdye jeñej majmadyeꞌ ĉaꞌtitidyeꞌ muntyis muꞌin jam fibiꞌ ĉaꞌtiti in, paj qui bijoij in, meꞌdye yụ chimeꞌ, jam yocve dyijyi yụ, jam fibiꞌ bäꞌyi yụ, muꞌdyes mọmoꞌ fer carijtaqui yụ.

Fer ĉọjcaqui ĉụiꞌsiꞌ aꞌ yụ, jiꞌferdyiyiti yụ paj qui rụij cäc̣häꞌchute Jenꞌ yụ. Jam jụijyaꞌ meꞌ yụ, a vuty jam soꞌmac bijodyeꞌ u yụ. Meꞌ tsanꞌ yụ yoctyiꞌ jịꞌchiyacsi yụ vatyquej raꞌ jam junꞌ soꞌmac bijodyeꞌ yụ voroꞌtacdyeꞌyas yụ.

¿Jam chịj u miꞌin majmaij jụijyaꞌ muntyiꞌ in, meꞌ tsanꞌ räj p̂iqui in, muꞌyaꞌ qui namꞌ yirity chụiꞌtyiꞌ mọꞌ bijodyeꞌ? Meꞌdye raꞌ miꞌin chimeꞌ, fer buꞌyi bäꞌyi Jenꞌdyes jụijyaꞌ miꞌin, yojdyemꞌ muꞌin majmaijtyiꞌ u in shuj tyeij in, meꞌdye raꞌ miꞌin chimeꞌ, paj qui chutiñeꞌve miꞌin mọꞌ bijodyeꞌ.

Muꞌin qui jajbuꞌyacsi yụ muꞌin jambiꞌ fer buꞌyity Jenꞌcheꞌ in, chimeꞌ buꞌyidye yuꞌti bäꞌyi yụ, paj qui jam jịꞌfajcacsi yụ, meꞌĉandye jụj jaꞌyacsi yụ. Yojyojdyemꞌ muꞌin u in, meꞌ meꞌ jịjcatacsi yụ, paj qui meꞌ jụj jaꞌyacsi yụ, tupuj jụijyaꞌ yụ.