Popular Bible Verses from Efesoĉantyidyes 2

Share

Aty jiꞌc̣honsinꞌyaꞌ tsun, muꞌ Jenꞌ yuꞌsinꞌ tsun Jesucristoty tsun paj qui rụij bäꞌjaꞌ Jenꞌdyes judyeyaꞌ nọ́tacsejaꞌ bäꞌjaꞌ chimeꞌ tsun, ĉaĉaij na muꞌ Jenꞌ meꞌ jäꞌmij dyijyi paj qui meꞌ bäꞌjaꞌ tsun.

Jenꞌ ñịbeꞌjitidyesyaꞌ muꞌ jiꞌc̣honnac miꞌin anicyedyeꞌyaꞌ miꞌin, mijam junꞌ buꞌyi tupuj ĉụiꞌ jiꞌc̣honti miꞌin, ñịbeꞌjitidyesyaꞌ muꞌ jiꞌc̣honnac miꞌin. Tsun jam ĉụiꞌ tupuj jiꞌc̣hontiĉaꞌ tsun junꞌ chuc rụij bäꞌjaꞌ, mọꞌdyes jam junꞌ tupuj ĉụiꞌ vaꞌbunyejaꞌ tsun junꞌ chuc mọꞌ c̣honꞌdyedyes tsun.

Muꞌ na Jenꞌ där ñịbeꞌ ĉọcsity, anic fer mạꞌjisinꞌ tsun. Meꞌ tsanꞌ sänꞌdyeꞌĉan bäꞌjaꞌ jiquej tsun, muꞌ qui namꞌ Jenꞌ vañinjibusinꞌ tsun, yiriꞌyaꞌdye Cristotum vañinjibusinꞌ jiquej, meꞌ muꞌ Jenꞌ ñịbeꞌjitidyesyaꞌ muꞌ jiꞌc̣honnac miꞌin.

Jesucristotum muꞌ vañinjibusinꞌ, judyeyaꞌ mạyedyeꞌcheꞌ jiꞌbäꞌyisinꞌ q̂uinꞌ, meꞌ buꞌjaꞌ tsun, aty Cristotum tsun räj Cristoty tsun.

Mọꞌdyes q̂uinꞌ miꞌin jam judío miꞌin aty jam yocve buꞌyi miꞌin aty jam moch miꞌin. Q̂uinꞌ aty chätidyeꞌtum buꞌyi Jenꞌtyiꞌtum muntyiꞌ miꞌin, aty Jenꞌtyiꞌ ạvaꞌ miꞌin. Miꞌin nash jeñej yiris acaꞌ jämꞌtacsiꞌ jämꞌchuquistum, muꞌin jutactyiꞌ Jenꞌtyiꞌ muꞌ judyeyaꞌ jasoꞌmitity p̂eyacdyeꞌ Jenꞌ in, muꞌin in jeñej buꞌyi jämꞌchuquis acas mọꞌ, muꞌ na Jesucristo jeñej buꞌyi mujuꞌchaty mij acadyety.