Popular Bible Verses from Efesoĉantyidyes 4

Share

Damꞌdye jämꞌ, jämꞌyedyeꞌtum bäꞌyi miꞌin, vaj meij ñịbeꞌ ĉútidyeij miꞌin. Muꞌyaꞌ pạrej juchatunac jụijyaꞌ in jam raꞌ yejĉoij dyijtucsebi juchaj miꞌin. Yojdyemꞌ muꞌ Jenꞌ u jam dyijtubunac juchaj miꞌin ĉaĉaij na aty Cristoty miꞌin, meꞌdye raꞌ miꞌin chimeꞌ jam dyijtucsebi yoctyis juchaj muꞌin.

Jam raꞌ fibiꞌnacdyeꞌtum bäꞌyi miꞌin, jämꞌyi raꞌ bäꞌyi miꞌin, tyumꞌchutidyeꞌtum judyeyaꞌ dyichyedyeꞌtum raꞌ mạꞌjitidyeij miꞌin.

Chimeꞌdye jam raꞌ aꞌc̣his p̂eyacdyeꞌ jiꞌshupquetiñeꞌ miꞌin, jämꞌsiꞌ ramꞌ p̂eyacdyeꞌ mọꞌ ramꞌ jiꞌshupquetiñeꞌ, jụꞌñis chuc tupuj nọ́tyetacsiꞌ yoctyiꞌ in, jụꞌñis chuc jemoñeꞌ in, paj qui p̂añi Jenꞌdyes in.

Q̂uinꞌ raꞌ vaꞌquectiñeꞌ aꞌc̣his dyijyedyeꞌ ĉụiꞌsiꞌ miꞌin, aty qui raꞌ jam fạ́codyeꞌtum bäꞌyi miꞌin, meꞌquiꞌdye qui raꞌ fạ́codyeꞌtum äjnaqui miꞌin, mijam raꞌ ñäñiti miꞌin. Jam raꞌ damꞌ fáquitidyeij bäꞌyi miꞌin

Fạ́coij jụijyaꞌ miꞌin, areꞌĉa juchaij miꞌin. Jemoñeꞌ cavin jiꞌjiijtiñeꞌ fạ́codyeꞌ miꞌin jambiꞌdyemꞌ siti muꞌ tsun. Jam raꞌ jụjbitiñeꞌ Sọyos dyijyedyeꞌ mọꞌ, paj qui jam jiꞌĉujtyinac miꞌin.

Mọꞌ yiꞌ jínac paj qui vaꞌquectiñeꞌ tashches dyijyedyeꞌ aꞌc̣his miꞌin, mọꞌ jeñej buꞌyiꞌ ọctumtyiꞌ quịꞌsiꞌ meꞌ raꞌ vaꞌquectiñeꞌ. Mọꞌ tashches dyijyedyeꞌ jiquej miꞌin, mọꞌ bächänacsiꞌ jiquej, mọꞌdye mọmoꞌ ac̣hiꞌnac jiquej miꞌin cäc̣häꞌchucdyeꞌyaꞌ aꞌc̣his aꞌsiꞌ miꞌin, mọꞌ vaꞌve jịjijcayinac jiquej. Jemoñeꞌ q̂uinꞌ mụiꞌsis dyijyedyeꞌ ĉojtyiꞌĉansiꞌ meꞌchutiñeꞌ miꞌin. Yódyemꞌ mụiꞌtyity quịꞌsiꞌ u, meꞌ buꞌyiꞌ mọꞌ mụiꞌsis dyijyedyeꞌ q̂uinꞌ, jemoñeꞌ mọꞌ meꞌchujaꞌ q̂uinꞌ, mọꞌ yuꞌtyiyisinꞌsiꞌ Jenꞌ. Yódyemꞌ muꞌ Jenꞌ u, meꞌ raꞌ shupquejaꞌ tsun, muꞌ mụiꞌtyity jíbujsinꞌ paj qui rụij bäꞌjaꞌ tsun, paj qui jam jụꞌñijaꞌ bäꞌjaꞌ tsun judyeyaꞌ cäc̣häꞌchupja mọꞌ rụijsis p̂eyacdyeꞌ muꞌ.

Yụꞌtacac ferdyeꞌ paj qui vaj cäts dyijyedyeꞌ cạtiñeꞌ miꞌin, ĉaĉaij na Jenꞌsiꞌ Ạꞌedyeꞌ muꞌ yirity ñuruꞌ yuꞌnac miꞌin, mọꞌ yiꞌ paj qui vaj meꞌ jämꞌjitidyeij bäꞌyi miꞌin.

Muꞌdye soꞌmacsi ñịbeꞌyedyes muntyidyes in, carijtacdyedyes soꞌmacsi. Pạrej jutactyiꞌ yụꞌtacsi, pạrej jasoꞌmitity p̂eyacdyeꞌ yụꞌtacsi, pạrej cạyacsity p̂eyacdyeꞌ yụꞌtacsi, pạrej ĉọjcacsity anicjetety Jenꞌ yụꞌtacsi, judyeyaꞌ pạrej jịꞌchiyacsity p̂eyacdyeꞌ yụꞌtacsi. Meꞌ meꞌ soꞌmacsi muntyiꞌ in paj qui muꞌin jịꞌchiyacsi in judyeyaꞌ nọ́tyetacsi in muꞌin anicjetety Jenꞌ in, meꞌ räj jämꞌ yụꞌtacsi in paj qui muꞌin räj tupuj carijtaqui Jenꞌdyes in, judyeyaꞌ paj qui räjĉan fer buꞌyi bäꞌyi Jenꞌdyes in. Meꞌ raꞌ vaj cäts yiriꞌyaꞌ dyijyejaꞌ anicjejaty Jenꞌcheꞌ tsun, paj qui vaj cäts yiriꞌyaꞌ chị́yepja Jenꞌtyiꞌ Ạvaꞌ muꞌ, junꞌ chuc dyijyedyeꞌ muꞌsiꞌ. Meꞌdye raꞌ yejĉojaꞌ p̂anjaꞌ Jenꞌdyes tsun, junꞌ quiꞌ chuc fer buꞌjaꞌ Jenꞌdyes, yojdyemꞌ muꞌ Cristo u, paj meꞌdye qui tsun shupquejaꞌ.

Aty qui jam jeñej buꞌjaꞌ miquity tsun, jemoñeꞌ yódyemꞌ ishoꞌmuntyiꞌ u in dyijyedyeꞌtum bäꞌyi in, jemoñeꞌ meꞌ dyijtujaꞌ tsun, paj qui jam jụꞌñis ĉụiꞌ jiꞌchäyitidyeꞌ anicjejaꞌ tsun, paj jam jeñej buꞌjaꞌ covamba jeñej jácati tyiꞌmu, junaꞌ ĉụiꞌ mọmoꞌ jịjcaij, paj qui jam meꞌ tsun. Meꞌ raꞌ chat jam seꞌ jaꞌyisinꞌ in muꞌin vaꞌves jiꞌchäyitidyeꞌ tuiꞌtyiꞌ in, mạꞌjeꞌ väñädyeꞌyaꞌ seꞌ jaꞌyacsi muntyiꞌ in. Jemoñeꞌ rụijsis cạjaꞌ jiꞌchäyitidyeꞌ, judyeyaꞌ mạꞌjeyacsejaty bäꞌjaꞌ tsun, paj qui yejĉojaꞌ p̂anjaꞌ Jenꞌdyes tsun, yojdyemꞌ Cristo u, paj qui meꞌ shupquejaꞌ tsun, ĉaĉaij na muꞌ joꞌnoꞌ buꞌyi tsuntum, tsun qui aꞌ buꞌjaꞌ muꞌ.