Popular Bible Verses from Efesoĉantyidyes 6

Share

Mọꞌ chutidyeꞌ tsun, jam muntyiꞌtum chutiĉaꞌ, sọyoꞌtum nash chutiĉaꞌ tsun, räjtumdye aꞌc̣histum taiꞌyastum bäꞌyis in, judyeyaꞌ muꞌintum fer buꞌyity in jụꞌñity ĉụiꞌ q̂uinꞌ ayoꞌbuꞌyity in muꞌin ọ́chesĉan tojmas bäꞌyity in, joꞌmetytum chutiĉaꞌ tsun.

Jam raꞌ farajjetiñeꞌ cọdacdyeꞌ Jenꞌcheꞌ miꞌin, räjĉan cọdyemac Jenꞌ junꞌ chuc jínac Jenꞌsiꞌ Ạꞌedyeꞌ muꞌ. Räjĉan raꞌ tsạꞌ buꞌyi Jenꞌdyes miꞌin, jam raꞌ jiꞌyoquiti miꞌin. Räjĉan cọdyemac anicjetetydyes Jenꞌ räj in.

Cätac ñutsjitidyetyĉan quịꞌsiꞌ, muꞌ soꞌminactyiꞌ Jenꞌ, muꞌĉan raꞌ tupuj dyichjetyetiñeꞌ mọꞌ Sọyoꞌ aꞌc̣hisyaꞌ dyijyedyeꞌ mọꞌ, paj qui mọꞌ jam jiꞌĉujtyinac väñädyeꞌyaꞌ mọꞌ.

Yiriꞌ mọmoꞌ meꞌchuvac miꞌin ñutsjitidyes Jenꞌsiꞌ muꞌ, meꞌ qui raꞌ tsanꞌ jiꞌĉujnacyaꞌ mọꞌ Sọyoꞌ, jam qui jedyeij miꞌin tupuj qui dyichjetyetiñeꞌ miꞌin, paj qui jam jiꞌpennac miꞌin.

Dadamꞌ mọjoꞌchaꞌ meꞌchuvac mọꞌ anicyedyeꞌ Jenꞌcheꞌ miꞌin, mọꞌ jeñej buꞌyiꞌ yiris ñutsjeĉunacdyes unĉan buꞌyis väc̣häꞌtyitysiꞌ muꞌ. Mọꞌcheꞌ tupuj tyumꞌ jịꞌtŝotiñeꞌ mọꞌ coꞌshaiꞌsiꞌ ijme vaꞌtyiyinacsiꞌ mọꞌ Sọyoꞌ, mọꞌ jeñej buꞌyiꞌ jịꞌĉojtacdyeꞌ. Chimeꞌdye meꞌchujamꞌ c̣honꞌdyes miꞌin, mọꞌ jeñej buꞌyiꞌ ñutsyedyes joꞌnoꞌches miꞌin. Yejĉojamꞌ Jenꞌsiꞌtum p̂eyacdyeꞌ muꞌ, mọꞌ jeñej buꞌyiꞌ chutidyedyes coc̣hino mọꞌ soꞌminacsiꞌ Jenꞌsiꞌ Ạꞌedyeꞌ muꞌ.

Jäꞌmij raꞌ jäꞌmiiꞌtyi miꞌin. Räjĉan raꞌ rụij p̂eyaqui miꞌin, mọꞌ jeñej buꞌyiꞌ ñuts buꞌyis fidyeꞌĉansiꞌ tsun. Meꞌchuvac chimeꞌ mọꞌ rụijsis dyijyedyeꞌ, mọꞌ ñuts buꞌyis eꞌfeyaꞌ tsun. Chimeꞌdye jäꞌmiiꞌtyevac paj qui räjĉan voroꞌtacsequi miꞌin mọꞌ jämꞌsiꞌ p̂eyacdyeꞌ jiꞌc̣honacdyes muntyiꞌ in, mọꞌ jeñej buꞌyiꞌ yujches väc̣häꞌtyitysiꞌ muꞌ.

Vojity, yụ raꞌ q̂uinꞌ jéyac yejĉojamꞌ fer buꞌjamꞌ miꞌin, ĉaĉaij na Ayoꞌtyiꞌ miꞌin, muꞌsiꞌyaꞌ ferdyeꞌ fer buꞌjamꞌ.

Mọꞌdye p̂eyeꞌ yụꞌtacdyeꞌ yiꞌ: "Jämꞌjeyaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin", yiꞌ yụꞌtacdyeꞌ. Ọij nash tashches yụꞌtacdyeꞌ jämꞌyedyeꞌ tuiꞌsiꞌ muꞌindyes chiquetydyes in. Mọꞌ jämꞌyedyeꞌ yiꞌ: "Meꞌ raꞌ miꞌin paj qui jämꞌ muve miꞌin judyeyaꞌ paj qui men bäꞌyi chimeꞌ úcheꞌ jaccheꞌ miꞌin", yiꞌ yụꞌtacdyeꞌ.

Miꞌin ạvaꞌ, chicaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, mọꞌ nash muꞌ maꞌjotyeꞌ Ayoꞌ, meꞌ raꞌ bäꞌyi miꞌin ạvaꞌ.