Popular Bible Verses from Génesis 21

Share

Muꞌ Ayoꞌ ñịbeꞌjajitiꞌ mọꞌ Sara, muꞌ jịꞌcätseꞌ p̂eyacdyeꞌ jasoꞌmitis jiquej.

Jenꞌ na jaseꞌvibuti táredyeꞌ muꞌ nanatysiꞌ muꞌ. Mạyedyeꞌcheꞌ yi vatyquej Jenꞌtyiꞌ anjer muꞌ, fayeꞌ Agar, jeꞌ: —¿Junꞌ toꞌ om Agar? Jam raꞌ noiꞌyiꞌ mi, a nash Jenꞌ jaseꞌvibuti táredyeꞌ ạvaꞌsiꞌ mi. Sacyeva, tuca ạvaꞌ mi, jam raꞌ farajjeyaquim, yụ raꞌ jiꞌdaijbite vóshiꞌ muꞌ, fer buꞌyi raꞌ in —jeꞌ Agar.

Mọꞌdyes qui mọꞌ Sara ạvaꞌyiꞌ jạjtsiꞌ naꞌi ạvaꞌ mọꞌ, Abrahamtyiꞌ ạvaꞌ muꞌ. Meꞌ tsanꞌ aty joꞌmeij ishoꞌ muꞌ uts na ạvaꞌyi. Aty ayijyaꞌ tupudyeꞌ yụꞌtyes Jenꞌ jajitis Abraham jiquej, chat q̂uinꞌdyemꞌ naꞌi ạvaꞌ muꞌ.

Mọꞌ na Sara yiꞌ ĉojtyiꞌĉan mọꞌ: "Anicdye meꞌ muꞌ Jenꞌ jiꞌdyisin yụ ạvadyes yụ, chimeꞌdye muꞌyaꞌ seꞌvaquity jụijyaꞌ in junꞌ chuc ạvaꞌyiꞌ yụ, muꞌin raꞌ dyisi chimeꞌdye in ĉaĉaij na yụ aty ishoꞌĉan ạvaꞌyiꞌ.

Jenꞌ na jajiti Abraham: —Jam raꞌ fer dyijtutem muꞌ nanaty judyeyaꞌ tseꞌ muꞌ. Jutacsebada yoj jindyemꞌ Sara o p̂en mi, Isaacdye yụꞌte yụ, muꞌĉandye raꞌ shupqui vóshiꞌ mi.

Muꞌin na in úñisĉantyiꞌ mi ạvaꞌ mọꞌ, pạrej raꞌ muꞌtyiꞌ vóshiꞌ muꞌ. Meꞌ tsanꞌ meꞌ yụ qui na ramꞌ jiꞌdaijbite vóshiꞌ muꞌ, fer buꞌyi raꞌ in. Meꞌ raꞌ shupqui in Ismaeltyiꞌ vóshiꞌ muꞌ, ĉaĉaij na muꞌ chimeꞌ mity ạvaꞌ —meꞌ jajiti Jenꞌ Abraham.